المتمرد | السلسلة الأولي الجزء الثانى والثلاثون

المتمرد | السلسلة الأولي الجزء الثانى والثلاثون

أنا:عملت اللى اتهمونى بيه صح ؟ عارفه يا ولاء أنا بعتبركم أنتم الاتنين اخواتى البنات و عارفه لو واحده منكم فى موقفى و كل الدنيا قالتلى انكم عملتم ده عمرى ما اصدق عارفه ليه لانى عارف أنا بتعامل مع مين كويس و عارف تصرفاتهم و عندى ثقه كبيره فيهم انتم بقه عندكم نفس الثقه ؟

المتمرد | السلسلة الأولي الجزء الثانى والثلاثون

ولاء: أكيد يا على و إلا مكناش جينا نقابلك مش كده ولا إيه يا شروق ؟

أنا:هعتبرها كده يا ولاء مع أنها مش كده عموماً أنا محضر ليكم مفاجأة موجوده فى المكتب جوه بالمناسبة احنا فى كافيه مليان ناس ف متخافوش مش هعمل حاجه لو خايفين.

ولاء: لا يا على أكيد مش خايفين هنخاف من ايه يعنى ؟

دخلت المكتب و هما مفيش دقيقه تقريباً و دخلوا ورايا ، قعدت أنا على الكرسى اللى قدام المكتب و هما قعدوا على الكرسيين اللى قدام بعض وموجود معانا الشخص الرابع اللي بيساعدنا من الظل محدش كان يعرفه حتى هما نفسهم لغاية ما جه موضوع المناقصة و الخطه اللى حطيناها فاكر وقتها أنا قلت ل ولاء ايه ؟ قولتلها انا ليا معرفة هيخلص الموضوع و هى مهمدتش غير لما عرفت أقدم لكم ريم الجندى المجهول اللى يسر عليا كتير أوى فى رحلتى دى كلها.

بقينا أحنا الاربعه نبص لبعض و مره واحده وقعنا على روحنا من الضحك 😂😂 ، لهجة ولاء و شروق ده فيلم أنا عملته علشان اللى مراقبنا ينقل لخالى الكلام ده علشان يبان طلاقها من عمى منطقى ما هى دخلت الموضوع علشانى أنا أصلا و مادام هى شايفه أنى غلط يبقى هتسيبنى و مش هترضى تكمل معايا فيه.

أنا:لا بس مش لايق عليكى دور الجد خالص يا شروق 😂 شكلك و أنتى فرفوشه و حابه تضحكى أحلى بكتير الصراحه 😅.

ولاء: ده غلبتنى و أنا قاعده عماله احفظها كلام و اخليها تتقن الدور ده شويه و كانت هتشلنى 😅.

شروق:الحق عليا أنى طاوعتكم و عملت اللى طلبتوه منى ده أصلا 🙂.

ريم:طيب مش كفايه بقه.

ولاء: ليه بس سيبينا نضحك شويه.

ريم بتمثيل: كفايه رجص على الجراح كفايه ضحك و مرجعه اللكاعه لو كانت كركديه كان زمان هدوم الناس مبجعه.

شروق: إيه الجمله الغريبه دى 😅.

ريم:معلش يا جماعه بس بحب شخصية نفادى أوى 😅😂.

أنا: بقول ما دام وصلنا للنفاديات بتاعتك يا ريم أحنا نبطل مرقعه بجد بدل ما تخلينا نفقد القدره على الكلام من أساسه 😅.

أنا: شوفوا يا جماعه دلوقتى أحنا وصلنا لخط النهاية خلاص من بعد النهارده يؤسفني أن مش هنتجمع تاني.

شروق: بعدين بقه مش قولت نتكلم جد بتهزر ليه دلوقتى ؟

أنا:بتكلم جد يا شروق مش بهزر أنا خلاص يا جماعه الموضوع خلص ومعدش فيه لزوم اتعبكم معايا انتوا شوفتوا معايا كتير و عملتوا معايا اللى مفيش حد يرضى يعمله و أتمنى يجى اليوم اللى أقدر أرد فيه جزء من جمايلكم.

ولاء بتأثر:يعنى خلاص مش هشوفك قصدى هنشوفك تانى ؟

أنا: لا يا ولاء مش هتبقى مضطرة تشوفينى تانى و تستحملى رخامتى وخططى اللى تودى فى داهيه 😅.

ريم:معقوله تنهيها كده ؟ يعنى بعد كل ده و تنهيها كده ؟

أنا: كده ازاي يعنى ؟

ريم:يعنى لا رجعت حقك من محمود و شمس ولا حتى أنقذت شركة جدك من الغرق!!

أنا:مين قال انى هسيب حقى أو حتى هتخلى عن الشركة بالعكس أنا عملت ده خلاص مش باقى غير أنه يطلع للنور.

ريم:لأ ترجملى عملت ده امتى و أحنا معاك خطوه بخطوه و مفيش موقف حصل إلا وكنا شاهدين على وجوده ف عملت الفيلم اللى بتقول عليه ده امتى ؟ بعدين ده شركة جدك لوحدها موضوعها عايزله مش أقل من شهرين تلاته علشان يتحل ده إذا اتحل أصلا.

أنا:شوفى يا ريم فيه مثل بيقول الطمع قل ما جمع و عيلة الرفاعى كانت مصدره في الاتفاق خالى عاصم اللى أساساً هو مش بيطيقنا فلما جه يعمل عقد الشراكة و يحط البنود حط بند أن لو حصل تلاعب من ناحية أى من الطرفين اللى هما احنا أو هما ساعتها الطرف التانى ياخد نص حصة الطرف المتلاعب فى الشراكه بمعنى آخر أحنا هنملك فى الشراكه دى نسبة ٧٥% مش هتبقى ٥٠ ل ٥٠.

ريم:يبنى ما كده انتوا الخرسانين مش هو لإن عمك اللى هو رئيس مجلس الاداره اللى من طرفكم هو اللى تلاعب.

أنا: كنت مفكر زيك كده لغاية ما اكتشفت الخلل الصح فين ، خالى حب يستنصح على عمى علشان بلاويه الكتيره اللى اتنيل عملها دخل هدد عمى أنه هيطلب من جدى نص أسهمنا طبقاً للبند اللى فى عقد الشراكة و ده علشان اكتشف تلاعب عمى فى الأوراق الماليه و بالتالي عمى طلع حرامى جوزك طلع حرامى يا شوشو 😂 ، عمى طبعاً أنكر في البداية بس مفيش دقائق لما شاف الورق اقتنع أن مفيش مفر من الموضوع ف عمل إيه ؟ بقه شغال عبد عند خالى فى مقابل أن الأسهم متطيرش اللى مستغربه بقه أن جدى طلع ميعرفش حاجه عن البند ده أصلا جدى كان مفكر أن الشراكه هتتفض و الموضوع فيه شرط جزائي مش اكتر لكن الموضوع بالشكل ده فيه خراب بيت العيله خالص ، فى الفتره اللى خالى شغال فيه زى العبد حرفياً تحت أيد خالى ابتدى خالى يسرق هو كمان بس عن طريق مين بقه نادر اللى حرفياً نفسى أبوس دماغه 😂 طلع مكنش مآمن ل خالى و رافع ملفات و صور و بلاوى زرقه عملها خالى و أنا لما عملت هاكينج للجهاز بتاعه قدرت أطلع منه بكل المعلومات دى و البركه فى جدى هو اللى فسرلى ليه خالى عمل ده أصلا ف بقت الصوره واضحه قدامى.

ريم:ده خالك ده طلع داهيه 😅 ابن ستين الكلب ده لف اللفه دى كلها علشان يكسب زياده من تحت ل تحت مرضيش يطالب بتنفيذ البند علطول ابن عفريته الراجل ده 😂 ، طيب كده هتعمل إيه معاه ؟

أنا:مش أنا اللى هعمل أعتقد جه الوقت اللى جدى يرجع يستلم الشركه تانى و هو اللى هيعمل بس طبعاً بالاتفاق بينى و بينه

ريم:طيب هيعمل إيه شوقتنى ؟

أنا:مش هقولك دلوقتى خالص مش علشان شاكك فى حد لا سمح… لكن مهم اتأكد من حاجه معينه قبل ما اقولكم اللى هيحصل ولحد ما ده يحصل خلونا مركزين مع شروق.

شروق: إيه ده انت حولت الكلام كده ليه 😅.

أنا: طلباتك يا معلمه شروق.

شروق: شيشه تفاح هنا يابنى 😅.

أنا:انتى كده القهوجي مش المعلمه بتاعة القهوه 😂.

شروق: أصلا 😅 ، هتصدقنى لو قولتلك أنا مش عايزه حاجه يا على انا طالعه كسبانه كتير أوى من الموضوع ده و مش قصدى بس على الفلوس.

أنا: أيوه يعنى طلباتك إيه اخلصى 😂.

شروق: قولتلك مش عايزه حاجه يا على كفايه عليا اللى طلعت بيه.

أنا:شوفى اختك يا ولاء أنا مش حمل مناهده.

ولاء: بصراحه أنا كمان متفقه معاها على كده أحنا الحمد… الدنيا اتظبطت معانا أنا اتوظفت و حتى هى معاها حالياً فلوس و تقدر تشتغل فى اى مكتب او حتى شركه تانيه مستريح يكفى أنها كانت فى شركة النويري ده غير العماره اللى بأسمنا ف كفايه علينا كده.

أنا:طب اسمعوا بقه اللى أنتوا قعدتوا ترصوه ده حقكم أصلا و أنا اتفقت معاكم على ده من الأول و دلوقتي هزيد على كلامى الاتى بصى أنا هقنع جدى أن يكتبلك عماره تانيه تكون بأسمك بحيث تكون دخل ثابت ليكى لما تأجريها علشان تاخدى وقتك تدورى على شغل و طبعاً هتتنازلى عن العماره اللى معاكى بس هخليه يديكى واحده غيرها كمان وكده يبقى معاكى ٢ أظن ده كويس و هيعيشك مرتاحه و وعد منى وانتى عارفه انى مش بخلف وعودى هجيبلك أنا شغل تقبضى فيه بالساعة و اخضر كمان بس انتى تنفذى اللى هقوله بالظبط وقتها ، بالنسبه ليكى يا ولاء ف أنا احترت الصراحه 😅 بس مقدرتش مكافئكيش بحاجه و انتى اللى كنتى مصبرانى على شبر ونص اللى جنبك دى 😂 هاتى الشنطة اللى فى الخزنة عندك يا ريم.

كنت عامل حساب اليوم ده يا صديقي علشان كده قررت أجيب لولاء عربية مرسيدس أحدث موديل ده غير أن جبتلها عقد الماظ مش عايزك تستغرب يا صاحبى البركه في نادر اللى قدرت اجمع منه تمن الاتنين الاهبل فكر واحد سرق حساباته ميعرفش أنى أخدت الاعظم من كده بكتير منه.