المتمرد | السلسلة الأولي الجزء السابع والثلاثون

المتمرد | السلسلة الأولي الجزء السابع والثلاثون

ولاء: لأ بس مش مستوعبه أزاى قدرت تشبك كل الخطوط دى ببعضها بل و تضربهم ضربه العن من ضربتهم ليك ، أنت داهيه ماشيه على الأرض.

المتمرد | السلسلة الأولي الجزء السابع والثلاثون

أنا: أنتى هتحسدينى ولا اى 😂 ، بعدين دى كلها حاجات عاديه أنا بس الظروف خدمتنى إن الخصم بتاعى أضعف منى إنما أنا لا داهيه ولا نيله بدليل إن هعوز حد يساعدني أهو من شركة الاتصالات.

ولاء: دى مجرد مساعده طفيفه إنما التخطيط و العقليه المدبره اللى رسمت اللعبه كلها مين ؟ أنت يا عبقرينو.

أنا: أعتبرها معاكسه بقه 😉.

ولاء بكسوف:حقك تتعاكس بصراحه 😅.

أنا:ده أنا برضه ولا انتى اللى هتخلينى أقوم اتخانق دلوقتى ؟

ولاء:ليه بس ؟

أنا: انتى مش شايفه إنك لافته الأنظار بالفستان التحفه اللى عليكى ده.

ولاء: للدرجادى الفستان حلو.

أنا:عايزه الصراحه الفستان مش حلو لكن انتى اللى محلياه 😉.

ولاء: يوووه متكسفنيش بقه ، صحيح ناوى تعمل إيه بعد موضوع محمود و شمس ده خصوصاً إنك غالباً مش هتشتغل في الشركه.

أنا:صح عرفتى ازاى أنى مش هشتغل فى الشركه ؟

ولاء:عيب عليك أحنا جامدين برضه و لينا طرقنا يا علوه 😂.

أنا: تمام يا لولا 😂 ، أنا حد أقترح عليا اقدم معاه فى شركه تخص الترجمه القانونيه و قبلونى المفروض هبدأ من الشهر الجاى يعنى على أخر الشهر أكون مسافر.

ولاء بصدمه: إيه ده هو انت مسافر بره مصر ؟

أنا: أه بصراحه حاسس إن كده هيبقى أحسن ليا و للجميع هقدر أشتغل و أكون نفسى فى المستريح مش فى جو حريم السلطان اللى عيلتنا عاملاه ده 😂.

ولاء: ألف مبروك فرحتلك من كل قلبي ، بقولك أنا هدخل الحمام و جايه عقبال ما الأكل يجى.

أنا: تمام يا ولاء.

" فى الحمام "

ولاء رنت على شروق و عنيها عماله تدمع أنا عارف أنها بتحبنى لكن مينفعش ، أخاف اوعدها بحاجه مقدرش عليها علشان كده قولتلها أنى مسافر عارف أنها هتتصدم بس مع الوقت هتتخطانى المهم سيبك منى أنا اللى عرفته أنها اتكلمت مع شروق.

شروق: ولاء حبيبتى ، أنتى كويسه ؟

ولاء:مش قادره يا شروق قلبى واجعنى من الصدمه.

شروق:قالك إيه زفت الطين أوعى يكون ضايقك قوليلي و أنا اقلبهالهم عاليها واطيها.

ولاء:قالى أنه مسافر أخر الشهر يا شروق مسافر ملحقتش أقوله اللى فى قلبى صدمنى يا شروق.

شروق: طب أهدى يا حبيبتي أهدى ، دلوقتى قوليلى أنتى عايزه تعرفيه إنك بتحبيه ولا لأ.

ولاء:عايزه بس خايفه يا شروق أخاف اتصدم تانى و أنا مش حمل صدمات ده غير أنه مسافر ف غالباً مش بيفكر فيا أصلا.

شروق:بصى يا ولاء لو عايزه رأيى أنا قوليله انتى كده كده مش خسرانه حاجه طلع بيبادلك نفس المشاعر أو بيفكر فيكى أهو تبقى ارتاحتى و نبدأ نبص للخطوه اللى بعدها ، طلع بيحبك زى أخته يبقى ريحك من العذاب اللي انتى عاشيه فيه ده.

ولاء: خايفه أوى يا شوشو تفتكرى ممكن يكون مش حاسس بيا للدرجادى أنا وحشه مقدرتش اجذب انتباهه ناحيتى.

شروق: قطع لسان اللى يقول إنك وحشه ده أنا لو كنت راجل مكنتش سيبتك إلا و أنا متجوزاكى أصلا 😂.

ولاء:اتمنيلى ارجع مبسوطه يا شروق.

شروق: صدقيني أنا حاسه إنك هترجعى طايره من الفرحه بس أنتى جمدى قلبك بس. (فى بالها: يخربيتك يا على أنت عملت فى البت إيه نفسى أعرف هبلتها عليك كده أزاى و امتى ؟ )

ولاء:طيب سلام علشان ميحسش أن أنا اتأخرت.

" على الترابيزه "

ولاء:معلش اتأخرت عليك.

أنا:ولا يهمك يا ولاء ، يلا نتغدى قبل الأكل ما يبرد.

أكلنا و أنا حاسسها مش على بعضها فقررت أبدأ أنا و أفتح الكلام.

أنا: شروق ناويه على إيه بعد الطلاق.

ولاء:مش عارفه الصراحه متكلمناش كتير فى الموضوع ده بس أتوقع أنها هتحاول تدور على شغل معتقدش أنها عايزه ترتبط دلوقتى.

أنا: طيب وأنتى مش ناويه تفرحى الناس اللى قاعده فى البيت دى لو فيه حد قوليلى و أنا أساعده 😉.

ولاء: للأسف مش هتقدر تساعد يا على.

أنا:جربينى و مش هتندمى أنا مقنع و هقدر أساعد.

ولاء:بص يا على بصراحه كده أنا بحبك. (حطت ايديها على بوقها)

ولاء: أنا أسفه مكنتش أقصد قصدى …

أنا:بس بس أنتى ملغبطه نفسك ليه يا ولاء ، أولا أنا لاحظت الموضوع من فتره قريبه ثانياً بتعتذرى على إيه هو أنا أطول أصلا أن قمر زيك كده تبصلى.

ولاء: إيه ده يعني مش زعلان منى ؟

أنا:هزعل ليه ؟ زى ما بقولك هو أنا أطول أصلا 😂 بس

ولاء:بس إيه!!

أنا:بس مينفعش يا ولاء أنا هكون بظلمك جامد لو ارتبط بيكى ولو بالكلام بس حتى.

ولاء:ليه بتقول كده بس يا على أنا واثقه أن عمرك ما هتظلمنى عمرك ما هتخلينى زعلانه أو متضايقه من حاجه عمرك ما هتقسى عليا لإنك حنين أوى و راجل يعتمد عليه.

أنا: ولاء أنا مبسوط أن أنا مبهر فى عينك لإنى حقيقى معجب بيكى و يمكن فى ظروف غير الظروف مكنتش سيبتك تضيعى من أيدى بس أنا مش مناسب ليكى يا ولاء انتى تستحقى حد أفضل منى مسألتيش نفسك أنا عايش أزاى أو بصرف منين يا ولاء مفكرتيش فى حياتنا هتكون مستقره ولا هتكون مليانه مشاكل خصوصاً فى جو حريم السلطان اللى فى البيت عندى ده ، ولاء أنا لو أخدت خطوه فى الارتباط لازم أكون قادر أحافظ و أسعد اللى معايا إنما أنا حالياً مش قادر أسعد نفسى هسعدك أنتى أزاى ؟

ولاء:يا على أنا عارفه و فاهمه و متقبله كل اللى بتقوله ده و راضيه أن أعيش معاك تحت أى ظروف يكفى أن أكون جنبك.

أنا بهدوء: عارفه يا ولاد أنتى اجمل بنت عرفتها مش بس من بره لأ كمان من جوه فيكى مميزات نادرا لو اتلقت فى غيرك علشان كده أنا مستحيل اظلمك معايا أنا مقتنع ب ده لكن ده ميمنعش أن علاقتنا ك أصحاب موجوده أنتوا تعتبروا عيلتى التانيه و يعلم… معزتكم عندى و أكيد هسال عليكم و هنفضل على تواصل بس مقدرش أظلم العيله الجميله دى معايا أنا أسف.

سكوت من الطرفين أنا و هى عم المكان حسيتها متأثره جامد فحاولت أقلل من حدة الموضوع.

أنا: بعدين بقه قمر زيك يحب قرد زيى ده حتى يبقى حرام ولا يجوز 😂.

ولاء:بس متقولش على نفسك كده علشان مزعلش منك.

أنا: مش هقول بس فكى التكشيره اللى على وشك دى لاحسن وشك و انتى مبوزه بيبقى حاجه صعبه أوى 😂.

ولاء:توعدنى لو الظروف اتحسنت هتفكر فيا.

أنا: ولاء مقدرش اربطك معايا افهمى أنتى ألف من يتمناكى و مش بعيد بعد مرور مده الاقيكى مخطوبه أصلا فحرام اعلقك مع واحد فاشل لسه هيبدأ من الصفر زيى بس هقولك حاجه تانيه لو لينا نصيب فى بعض أكيد هناخده يا ولاء ف سيبيها تمشى زى ما هى مكتوب ليها ، بقولك إيه أنا زهقت من الكافيه ده تعالى أخرجك نروح سينما أو نركب فلوكه فى النيل بدل ما انتى حابسانا كده.

خرجت أنا و هى و كنت حريص اخليها تفك و هى مع الوقت كان باين أنها بدأت تدخل فى المود و كنا مبسوطين جداً و أحنا فى الخروجه لغاية ما انتهت على تليفون من جدى علشان اتأخرت وصلتها البيت و اتأكدت إن نوعاً ما الموضوع بقه مش مأثر فيها جامد بصراحه أكتر حاجه أخاف أعملها هى إن اكسر قلب بنى أدم ما بالك بواحده أنا فعلاً بحبها و لولا الظروف كان الوضع اختلف.

دخلت الفيلا لقيت كالعاده منى فى وشى سلمت عليها و بعد السؤال اتأخرت ليه و مش ليه قولتلها أن داخل ل جدى.

دخلت لجدى مكتبه أشوف عايز إيه ، جدى بدأ يكلمنى عن أمى و ليلى و إن اشمعنا صالحت الكل عدا هما و دول أنا يعتبر راجلهم بعد أبويا على الأقل اختى أقنعت بكلامه الصراحه بعد شوية مناهده طبعاً.

فتحنا بعد كده موضوع شروق فهمته أنها موافقه و ممكن تبدأ من بكره عادى تطلب الطلاق و هو سأل طبعاً هل بالسهوله دى ففهمته أنها عملت خاطر للعيله اللى هتتفكك خصوصاً أن هى عارفه أن العيله اللى بتبقى مليانه خناقات مصيرها إيه بعد اللى شافته فى عيلتها بس عايزه يتكتبلها كذا و كذا اللى هما العمارتين و حقوقها الشرعيه بس كده.

جدى طبعاً مدح فيا أن قدرت أقنعها بالطلاق و وافق على شروطها هو أصلا مكنش مقتنع أنها هتوافق على الطلاق فبالنسبه ليه الموضوع اتحل بسهوله.

الكلام اخدنا و بدأ جدى يتكلم عنى و فهمته موضوع الشركه الاجنبيه ، جدى رفض بشكل شبه قطعى لكن مع إصرارى و محاولات إقناعه و شرحى لوجهة نظرى الىى تخص العيله بشكل عام أقتنع.

خرجت من عنده و روحت جهزت الأوضه بتاعة الملحق علشان السهره مع منى ، كانت قفلة يوم جميله.