المتمرد | السلسلة الأولي الجزء الثالث والثلاثون

المتمرد | السلسلة الأولي الجزء الثالث والثلاثون

ولاء تفاجأت من الموجود جوه الشنطه و كان واضح ده على وشها اللى كان مليان بعلامات التعجب ولكن فيه كتير من السعاده.

المتمرد | السلسلة الأولي الجزء الثالث والثلاثون

ولاء:بس ده كتير أوى عليا.

أنا:ولا كتير ولا حاجه انتى تستاهلى اكتر من كده أصلا بس اعذريني الحاله على قدها 😅.

ريم:طيب و أنا مليش حاجه بنت البطه السوداء أنا 😂

أنا: بطه سوداء و تجيب كوباية حليب زيك كده أزاى ؟ 😂.

مقدرش أنساكى يا ريم بس لسه هديتك مش جاهزه علشان كده هتعوزى تصبرى معايا شويه بقه 😅.

ريم: وماله نصبر بس أنا ممكن افضحكم على الفضائيات لو بتاكل بعقلى حلاوه ها 😅.

أنا:هو أنا أقدر برضه 😅 ، المهم شروق أنا هقول لجدى إنك وافقتى بعد ضغط جامد منى عليكى كل المطلوب منك إنك تقولى لعمى التالى …… هيزرجن معاكى فى الأول بس اقنعيه انك مش عايزه مشاكل ليه أو ليكى و بطريقة السهوكه بتاعتك اقنعيه يجيبلك عماره بدل اللى هتتاخد مرضيش قوليلى وانا هتصرف ، شروق مش عايز غلطه الموضوع ده دقيق و علشان مصلحتك و مصلحة الكل لازم تركزى عارف أنى فرهدتك معايا فسامحينى بقه 😅.

شروق:طيب بعيداً عن العبط بتاعك ده كده أحنا حلينا مشكلتى أنا و الشركه بتاعة أبوك بالنسبه لموضوعك انت و شمس دى هى و محمود ابن عمك.

أنا: دى لسه حالياً شغال عليها لغاية ما ألاقي ليها حل و أنا غالباً لقيت واحد بس مش عارف هينفع يتطبق ولا لأ.

شروق: طيب و ده هتعرفه امتى ؟

على: …………….…….. .

أخيراً وصلنا لنهاية الجزء اللى مكنش عايز يخلص ده 😅 ، الجزء الأخير هيكون خلال الأسبوع ده إن شاء… أتمنى يكون الجزء عجبكم متنسوش تسيبولى رأيكم فى الكومنتات سلام 👋🏻.

🚨🚨🚨🚨🚨🚨🚨🚨🚨🚨🚨🚨🚨🚨🚨💥💥💥💥💥💥💥💥💥💥💥💥💥💥💥🚨🚨🚨🚨🚨🚨🚨🚨🚨🚨🚨🚨🚨🚨🚨

" شكر واجب من الكاتب"

"سلام عليكم ازيكم روادى المنتدى عساكم جميعاً بخير ، قبل بداية الجزء ده حابب اشكر الناس اللى دعمتنى علشان اكمل كتابة القصه دى بصراحه مكنتش أتخيل أن هيبقى ليها جمهور يطلبها أصلا 😅 خصوصاً أن الجزء الجنسى قليل فيها و يكاد يكون معدوم ، حابب أشكر الناس اللى دعمت سواءاً بالتعليق على الأحداث و نقد القصه بشكل إيجابي أو سلبى و أشكر الناس اللى دعمتنى أنا شخصياً سواءاً بالمشاهده اللى كانت حافز ليا أكمل كل ما أشوفها بتزيد أو تعليقاً على طريفتى أنا ككاتب و توجيهى لتطوير مهاراتى فى الكتابه ، حابب اشكر الجميع و اتمنى متكونش الناس ندمت أنها أدت القصه جزء من وقتها الغالى الثمين"

نبدأ نشوف الفصل الأخير بيقول إيه بقه 😂 يلا بينا و أهلا بكم رواد قصة المتمرد الاعزاء فى الفصل الأخير من هذه المتسلسله اللى هتبقى مكتمله بعد فصل النهارده.

الجزء العاشر والأخير

👻👻👻👻👻👻👻👻👻👻👻👻👻👻👻

🎙️🎙️🎙️🎙️🎙️🎙️🎙️🎙️🎙️🎙️🎙️🎙️🎙️🎙️🎙️

المكان: مطار القاهرة الدولي.

المتحدث: على محمود سيد النويري.

المطارات هي عباره عن دول جوه دول على الأقل ده رأيى ليه بقولك رأيي ؟ ملل يا عزيزى بقالى ساعتين موجود و مستنى ميعاد طيارتى.

هقولك رايح ليه كده كده بس خلينى الأول احكيلك وصل بيا الحال هنا ازاى ؟

كنا قاعدين فى الكافيه احنا الاربعه و أنت خامسنا عزيزي القارئ ، بصراحه مكنتش حابب أعمل لقاء الكافيه ده علشان كنت حاسس إن مقابلة الكافية هي آخر مقابلة بينى و بين ثلاثي خط النار ولاء و شروق و ريم لكن الموضوع كان ضروري.

فى الكافيه شرحت لشروق أزاى تقنع عمى بالطلاق من غير ما ييجى عليها ضرر بصراحه شروق من الشخصيات الجميله اللى اتعاملت معاها ده غير إنها كانت بتساعتدنى ف مش جزاءها أنى أكون سبب فى أذى ليها.

كمان وزعت هدايا على ولاء و شروق شروق هديتها كانت أنها تاخد ضعف ما أخدت من عمى أما ولاء المرسيدس و العقد الالماظ.

بالنسبه لموضوع الشركه فمكنتش حابب احط نفسى فى وش المدفع أنا حابب أفضل فى الضل أحسن فيما يخص الموضوع ده لكن ده ميمنعش أنى كنت بتناقش مع جدى و أقوله رأيى خصوصاً بعد ما قريت البند الموجود في العقد.

بالنسبه لموضوع محمود و شمس فمكنتش قادر أتخيل طريقه أو سيناريو أخليهم يعترفوا باللى حصل زمان و اللى اتأكد كلامهم هما بعد ما انا قررت أتنازل شويه علشان أقدر أنقذ الشركه وكمان أخليهم يحسوا بالأمان من ناحيتى و بالتبعية أقدر أحقق هدفى و هو ما حدث بالفعل.

خرجت يومها من الكافيه و أنا راسم الغضب على وشى و شروق طالعه بتجرى ورايا لزوم الحبكة علشان اللى مراقبنا ميحسش إننا دخلنا غضبانين و خارجين زى الفل أنا عايزه يوصل ده لخالى علشان يكلمنى ؛ إيه ممكن يخليه يكلمنى مش عارف الحقيقه بس حسيت إن ده اللى هيحصل خصوصاً بعد ضربة المناقصة حسيت إن خالى عاصم هيعوز يتأكد بنفسه من إذا كنت حاسس باللى هو بيعمله و ليا يد في خرابه ولا لأ ما أنا الترس الوحيد اللى مش قادر يخليه يدور فى المكنه بتاعته.

قدرت اخلع من مايا و رانيا عن طريق أن اتصالح مع محمود و شروق و ده كان من أسباب أنى أطلب الصلح معاهم أصلا بصراحه حسيت الموضوع بوخ أنى أفضل عامل نفسى أهبل ده مش أنا علشان كده سيبتهم فى وقت خالى كان لسه خسران المناقصه ف بالنسبه ليه انا الوحيد اللى حركاته غير متوقعه و مشكوك فيها.

أعتقد أن أنا طلعت من التجربه دى مديون بكتير ل خالى و أبويا و محمود و شمس لولاهم مكنتش أخدت الفرصه أنى اتطور أو اكتشف موهبتى فى التخطيط اللى مش عارف هى موهبه فعلاً ولا أنا كنت محظوظ بس مش مهم المهم انى عرفت عن نفسى اكتر و عن الناس الموجوده حواليا ف مثلاً بدأت نوعاً ما أعرف احكم شويه على الناس على الأقل أعرف مين السالك فيهم من مين اللى بيلف و يدور و ده سببه التعامل مع الناس بثقافاتها المختلفه و البركه فى الشركه اللى اشتغلت فيها فرد أمن.

المهم مطولش عليك قول طول وإلا مش هكمل حكى 😅 ، بهزر معاك هحكيلك كده كده بعد ما خلصت معاهم فى الكافيه أتحركت على الفيلا بتاعة جدى اتعشيت معاهم و قضيت سهرتى مع العيله اللى كانت كلها متجمعه باستثناء امى و أختى ليلى بالمناسبه الليله دى كانت أول خطواتى فى توقيع شمس خلينى احكيلك انت مش غريب.

دخلت الفيلا و للاسف المرادي منى مجتش استقبلنى زى كل مره للأسف لسه مفكره إنى رميت كل اللى حصل معايا فى الزباله متعرفش انى هفضحهم و هقلب موازين القوة في العيله بس كله بوقته مع الوقت هتعرف الحقيقه.

دخلت الفيلا لقيت الكل قاعد على الكنب الجلد اللى موجود في الجانب الخاص بقعدتنا كعيله كنت قولتلك أن جدى مخصص جزء لقعدتنا قبل كده دخلت سلمت على الكل بس كنت بارد مع نور مرات أبويا و أبويا نفسه لكن محدش علق.

جدتى ريهام: اتأخرت ليه يا على ؟

على:كنت موجود مع أصدقاء ليا يا ريري بقالى فتره كبيره متقابلناش.

جدتي:مين اصحابك دول بقه ؟

على: بتغيرى عليا ولا اى 😉😂.

جدتى:متغيرش الموضوع كنت مع مييين !!.

شمس: تلاقيك كنت مع بنات يا نمس انت 😉.

محمود:يا شيخه قولي كلام غير ده هو لاقى كلبه تعبره أصلا 😂.

على:يخرب عقلك يا حوده ضحكتنى 😂 ، الكللابب يا حبيب أخوك بتروح لبعضها حتى أسأل كريمه هى أكتر واحده تفيدك بخصوص الموضوع ده.

محمود: تقصد إيه بكلامك ده 😡.

على: اهدى يا حبيبي لا يطق لك عرق أنا خايف

عليك العصبيه مش حلوه.

محمود: بقولك إيه متقعدش تلف و تدور.

على:و هلف و أدور ليه هو انا قلت حاجه غلط 😂 ، كريمة فعلاً أكتر واحده تفهم فى الموضوع ده لإنها بتحب الكللابب و بتعرف تروضهم ده غير معلوماتها الكتير عنهم أبقى اسألها أنت بس ، بقولك ايه يا ريري أنا رايح الملحق أغير و أخد دش ساقع الجو بره موت.

ريهام:ماشى يا حبيبي ، متتأخرش علشان نتعشى مستنيينك من بدرى.

أتحركت على الملحق أخد دش بمياه أقرب للتلج الجو حر موت يا صديقي لبست بنطلون أسود على تى شيرت بيضاء مكتوب عليها

At the end of the storm there's a golden sky

معناها الحرفى في نهاية العاصفه يوجد سماء ذهبيه