المتمرد | السلسلة الأولي الجزء الحادى عشر

المتمرد | السلسلة الأولي الجزء الحادى عشر

رد على صدم شروق و ولاء لكن لم يكن صادم ل عمه محمد فهو يعلم جيداً أن على لن يسامحه بسبب ما بدر منه يوم الشاليه غير سابقاتها فى تحريض والد على عليه.

المتمرد | السلسلة الأولي الجزء الحادى عشر

ولاء: ابوس ايدك وافق مش كنت بتقول انها ساعدتك كتير هو ده رد الجميل.

نظر على لشروق التى ما ان نظر إليها أدارت وجهها ف هى تعلم أنها لم تقدم السبت لتجد الحد.

سيد: يعنى ده اخى كلام عندك ؟

دق الباب ففتحت ولاء و علت وجهها الصدمه فقد جاءت الشرطه و ها هى مجرد لحظات لتلقى القبض على اختها بتهمة أخلاقيه.

الضابط: حضرتك سيد النويري ؟

سيد:

ايوه انا يا حضرة الظابط.

الضابط: حضرتك قدمت بلاغ فى أحد الموظفين عندك؟

سيد: …….

و بكده تكون نهاية الجزء الرابع عارف إن ممكن ميكونش طويل زى ما الكل كان مستنى بس حقيقى الواحد بيمر بوقت صعب و الفصل اكتر من مره يتأجل و حتى يتعدل عليه حابب اشكركم على صبركم و على رأيكم فى الفصل مقدما.

ازيكم رواد المنتدى بشكل عام و قصة المتمرد بشكل خاص حابب اشكركم على دعمكم المستمر و اللى بيخلينى دائما حابب أقدم الأفضل و علشان كده قررت بناءاً على طلب اكتر من عضو هكمل القصة بالعامية، اتمنى لكم قراءه ممتعه.

أحياناً الحياة بتديك فرصة ثانية و واجب عليك تستغلها كويس لان لو ده محصلش ف كده انت متعلمتش يا صاحبي و ساعتها هتاخد على دماغك تانى ، تفتكر هل على اتعلم ؟

فى جزء النهارده هنعرف اغلب اللى حصل فى الـ ٤ سنين بتوع الكليه و هل قدر على يستغلها صح علشان يعرف يرد كرامته المتبعتره ولا يستعد أنه ياخد على دماغه مره تانيه ، مشروبك الحلو و ابدا اقرا الفصل و قولى رأيك فى النهاية.

الضابط: حضرتك سيد النويري ؟

سيد: ايوه انا يا حضرة الظابط.

الضابط: حضرتك قدمت بلاغ في أحد الموظفين عندك؟

سيد: فى الحقيقة أيوه اللى حصل كان فظيع.

شروق فى اللحظه دى قلبها وقع فى رجلها أصل خلاص سيد النويري هيوديها ف داهيه و طلع فعلا مش هامه و بتبص على الشخص اللى ف أيده يساعدها على

على نفسه اتفاجئ من رد عمه ف هو توقع أنه هيخاف على سمعة ابنه و الشركه زى ما حصل قبل كده فى موضوعه لكن الموضوع هنا دخل فى الجد أوى مفاقش على من سرحانه غير على صوت الضابط و قبله ايد ولاء.

ولاء سمعت كلام سيد أيقنت أن الموضوع خلاص شبه انتهى و اختها راحت فى داهيه لكن بتحاول تكسب نفسها و تمسك فى اى قشه و قشتها كانت على ف خبطت أيدها فى ايده لما شافته مصدوم زيها.

الضابط: خير يا استاذ سيد بلاغك ضد مين ؟

سيد بيبص ل على ولسه هيتكلم راح قاطعة على برد فعل تلقائيا و قال

على : عنك يا جدى ، أنا هشرحله الحكايه فعلا كانت فظيعه تخيل لما تكون السكرتيره بتاعتك اللى بتأتمنها على أهم ملفات الشركة لا مكتبك كله بتتجسس عليك لصالح شركة منافسه الموضوع محزن ، كلنا شكينا للاسف فى أستاذه ولاء لكن نحمده ونشكره طلعت شريفه و الموضوع كله سوء تفاهم

الضابط: صحيح الكلام ده يا استاذ سيد ؟

على: يا باشا بقولك حفيده و اكيد هخاف على مالنا يعنى أنا ابن محمود ابنه و كمان اجدد عضو فى الشركه لسه متعين من اسبوع حتى اسأل رئيس مجلس الاداره كمان عمى محمد أهو ، مش كده يا عمى؟

محمد: ها اه طبعا الموضوع كله كان عباره عن ملف ل مناقصه أبويا طلبه من استاذه ولاء و ملقاهوش مكنش يعرف أنه معايا علشان بقاله مده مش بينزل الشركه و بيشوف المشاريع الجديده.

سيد: صحيح اللي قاله يا حضرة الضابط اسف مقدرتش أبلغك قبل ما توصل.

تنفس الجميع الصعداء هنا لإن كده الموضوع عدى بسلام و شروق مش هتروح فيها متستغربش يا عزيزي القارئ بس شروق مهمه جداً جداً بالنسبه ل على و الفصل ده هيبىرر الموضوع و يوضحه.

الضابط: ولا يهمك يا استاذ سيد حضرتك ريادى الأعمال الكبار فى البلد و اكيد الملف كان مهم للدرجه دى ، عن اذن حضرتك.

بمجرد خروج الضابط جريت شروق على اللى انقذها من ضياعها حرفيا على ، فضلت تحضن فيه و تعيط لدرجة إن اختها نفسها أستغربت الموضوع اشمعنى تجرى على حضن على مش حضنها هى خصوصاً إن الموضوع عدى خلاص لكن الموقف عدى او بمعنى اصح الحبس عدى.

سيد: أوعوا تفتكروا أنها كده خلاص عدت لا انسوا أنا لولا إن اعرف اختك كويس و غلاوة حفيدى كنت وديتكم انتوا الاتنين فى داهيه.

بس لسه أنا عاوز افهم منكم بقه الموضوع وصل ل هنا ازاى خصوصاً إن القسم القانوني و مكتب رئيس مجلس الاداره ف أدوار مختلفه ، لا و اللى معصبنى اكتر أن ولاء واضح أنها كانت عارفه صح اللى بقوله يا ولاء ؟

ولاء: صح يا باشا بس حضرتك فاهم الموضوع غلط أنا ببكى و بعيط علشان فضيحة اختى وسط الناس و ازاى هيبصوا ليها مش علشان هى عملت الغلط لكن لكن ….

سيد: لكن ايه ما تنطقى ولا مش لاقيه كذبه تخترعيها.

محمد: لكن كانت خايفه على نظرة الناس لأختها علشان اتجوزت رئيس مجلس إدارة الشركه.

على و سيد فى نفس الوقت: نعم ؟ متجوزها !!!!!.

محمد: اومال انت فاكر ايه يا بابا ؟ فاكر أنى ممكن اعمل الغلط ؟ و بص ناحية على وراح قايل لا يا بابا انا مش حيوان أو طائش شبه شباب اليومين دول.

على بسخريه: بصراحه معاك حق يا عمى تخيل شباب اليومين دول بقوا يكتفوا بزوجة واحدة تخيل بقوا يقدروا ستاتهم.

محمد: تقصد اي يا كلب يا ابن ال…… .

سيد مقاطعاً: يقصد انك خاين و وسخ بقه يا شايب يا عايب تتجوز تانى و كمان واحده من دور عيالك انت اكيد اتجننت.

محمد: أنا شايف إن دى حياتي امشيها زى ما انا عاوز و اظن أنى اتجوزت شرعى مروحتش ضربت ورقتين ولا حاجه و بخصوص شروق ف هى موافقه و راضيه.

سيد بيبص ل شروق: مبسوطه ؟ ما طبعاً لازم تكون مبسوطه واحده زى دى طبيعي تكون كده انت مسمعتش كانت بتقول أيه عن ظروفها و ازاى مش لاقيه تاكل اصلا.

محمد: ميعيبهاش يا بابا هو مين فينا الراجل مين اللى هيصرف أنا ولا هى ولا يكونش حفيدك المراهق عينه منها؟ ( يقصد على)

على: ضحكتنى يا عمى😂 ، شروق كانت صاحبتى زى ما قلت لفترة معينة بعد كده مبقيناش نتكلم أصلا بعدين معقوله هبص للمستعمل أنا دائماً أحب الجديد.

مع نهاية الجملة على لقى تليفونه بيرن برقم هو عارف صاحبه كويس او خلينا نقول بمعنى اوضح صاحبة الرقم ليرد

على: ألو اخويا الشق عامل اية ياض.

الشخصية: فيه حد جنبك ولا اى يا على.

على: طلعت بتفهم أهو 😂 ده أنا كنت مفكر مكان دماغك طبق سلطة خضراء😅.

الشخصية: ما تظبط يا على جرى ايه هو علشان مش هقدر ارد عليك يعني.

على: عيب عليك يا باشا أنت أقدر ده انت حبيبي و انت عارف ده كويس.

الشخصية: مهو علشان عارفه ساكته على الهزار التقيل بتاعك ده ، المهم أنا عايزاك النهارده ضروري.

على: خير ايه اللى جرى يبنى ؟ فيه حاجه ولا اى 🤔.

الشخصية: بقولك ايه انا مولعه من اخر مره ومش هقدر استحمل اكتر من كده اتصرف و تعالى النهارده بأى طريقه.

على: ده اللى هو ازاى يعنى ما انت عارف ان ممكن صاحبنا يكون موجود و أنا و هو ممكن نتشاكل مع بعض.

الشخصية: لا مش موجود طلع سفر تبع الشغل هيفضل موجود هناك على الأقل ٣ ايام اخلص بقى انت واحشني اوى

على: طب هشوف اقدر اعمل ايه بس مقدرش اوعدك بحاجة خلى بالك تمام يا صاحبي.

الشخصية: تمام يا على بس أكد عليا لو جاى عشان اكون جاهزه.

على: متقلقش يا صاحبي ، انت عارف انا مقدرش اتاخر عليك ده انت الحته اللى فى الشمال ، سلام دلوقتى 👋🏻.

سيد: مين كان بيكلمك انت التانى ؟

على: ايه ده ايه ده بتغير عليا 😉😂.

سيد: اتلم يلا وقولى كنت بتكلم مين.

على:واحد صاحبي يا جدي زي ما سمعت بقولك يا جدي أنا نازل دلوقتى عايزنى فى حاجة هنا تانى ؟

سيد: رايح فين؟

على: مخنوق يا جدى بعد اللى شفته عمرى ماكنت اتخيل اللي حصل ده ابدا ، علشان كده عاوز انزل تتمشى على الكورنيش أو أنزل أروح الجامعه أشوف موضوع النتيجه و كده كده أنا هبقى هنا من بكره علشان الشغل.

سيد: تمام انزل وانا هخلص هنا و اروح أساساً الواحد نفسه انسدت من التسيب اللى شايفه هنا.

على: طيب عن أذنك أنا يا جدى.

خرج على و بقى فى الاوضه ٤ أشخاص سيد النويري و ولاء و شروق و محمد سيد النويري.

سيد: ولاء اعلمى الكل بكره فيه اجتماع مجلس إدارة مهم جداً أن كل أعضاء مجلس الإدارة يكونوا موجودين ،عايزك تعدى عليا النهارده فى مكتب حي ال….. بعد الشغل طبعاً. ( المكتب اللى بدأت منه القصه كنا قولنا أن سيد مخصصة ل وقت راحته ولما يحب يشتغل بعيد عن الشركة)

ولاء: أوامر حضرتك يا فندم ، تمام يا فندم هكون هناك.

سيد: اما بقى انتوا الاتنين ف عنيا هتكون مركزه عليكم بشكل خاص إياكم اشوفكم بتشوفوا بعض فى الشركه و مقفول عليكم باب ولو صدفة حتي مفهوم ؟

محمد وشروق وشهم فى الأرض: مفهوم.

سيد: دلوقتى انا عايز كله يطلع بره ميبقاش موجود فى الاوضه غيرى أنا و محمد الباقى بره.

خرجت الشقيقتان من الغرفه فى الحال و مبقاش موجود غير محمد وأبوه سيد النويري.

سيد: عاجبك شكلك كده ؟ مبسوط لما على ابن اخوك شافك واقف و البوليس جاى ياخدك علشان انت نجس و بصباص.

محمد: يا بابا هو انت ادتنى فرصه أصلا علشان افهمك أنى متجوزها و أساساً أنا مش فاهم ايه اللى جاب على الشركه ده غير أن حضرتك عاوز تعينه كمان.

سيد: و انت كنت عايزنى اعمل ايه يا علق لما اشوف ابنى زانق واحده من الموظفين اللى فى الشركه فى مكتبه وحتى لو كانت مراتك هل ده مكان يتعمل فيه كده أصلا ؟ رد عليا يا خاين العشره و الضمير و بالنسبه ل موضوع على ف ده شئ ميخصكش.

محمد: اللى حصل يا بابا و بصراحه بقه أنا بحبها و لا يمكن اتخلى عنها حتى انا أشتريت لها عماره كامله فى …… علشان تسكن هناك بعدين هى طيبه و حضرتك هتحبها أوى مجرد ما تقعد و تتكلم معاها ، بالنسبه بقى ل على ف مش فاهمك يا بابا ازاى ميخصنيش و أنا رئيس مجلس الاداره.

سيد: كنت تقصد كنت رئيس مجلس الاداره فى اجتماع بكره أنا هعلن للكل عن تولى اخوك محمود منصبك أما انت بقه ف انت عقابك انك تنزل درجه و تمسك مكان اخوك.

محمد: ليه كل ده يا حاج بس أنا عملت ايه لكل ده يعنى بعدين ما انا زى ما قولتلك متجوزها مش بعمل حاجه حرام يعنى ولا تضر سمعة الشركة مش ده اللى يهمك أصلا.

سيد: يهمنى أه اسم الشركه و سمعتها بس كمان يهمنى أن يكون الموظف اللى عندى شايف إن رئيس مجلس الاداره محايد لا يمكن يظلمهم علشان مراته اللى بتدرب فى الشركه و المفروض هتتعين بعد ما تخلص و بكده كفائة شغلهم متقلش.

محمد: يا بابا طب بلاش أنا بص على القنبله الموقوته اللى بتحطها فى الشركه انت حرفيا بتحط قنبله متنساش إن على هينزل فى القسم القانوني و ده فيه محمود ابنى ده غير مراتى اللى بصراحه اخاف عليها من السافل ده ولا نسيت اللى حصل فى الساحل لو نسيت افكارك.

سيد: أنا أخدت قرارى و انتهى الكلام و لو على مراتك ف تقدر تقعدها فى العماره اللى انت بتقول انك اشتريتها ليها يا خساره يا محمد كان املى فيك كبير اوى خيبت ظنى فيك.

خرج سيد النويري من المكتب و هو متعصب أه مبسوط أن ابنه فى الاخر طلع متجوزها بس ده خلق مشكله تانيه لو الخبر اتعرف هيعمل بلبله فى الشركه و هيشتغل النم و التلقيحات و محدش هيركز فى الشغل و تكون مصيبه لو اتعرف أنه اتمسك معاها فى المكتب بتاعه يا وقعتك السوده با محمد عملتلنا توتر فى الشركه و لسه فى البيت لو الموضوع اتعرف على شوية مراهقه متأخره.

على صعيد آخر لما خرجت ولاء و شروق من الاوضه اترسمت على وشهم ابتسامه كانوا بيحاربوا علشان يخفوها علطول اتجهوا للحمامات و بدؤوا يتكلموا هناك بعد ما اتأكدوا إنها فاضيه.

شروق: كنت هروح فى داهيه يخربيتكم بس اتسترت من عنده 😂 يااااه مش قادره أقولك مبسوطه قد ايه 😂.

ولاء: هش وطى صوتك يخربيتك هتفضحينا ، أه ياختى عدت على خير ده أنا كنت قلت أن خلاص الخطه باظت و هتقلب علينا لكن عدت على خير دلوقتى ايه الخطوه اللى بعد كده.

شروق: طبعاً اضمن نفسى و مستقبلى الحاجه اللى قبلت بالموضوع ده بسببها أصلا و كمان ابدأ انفذ الجزء الثاني من الخطه المتفق عليها مهم نرد الحقوق لأصحابها و صاحبها ساعدنا كتير نوصل للى احنا فيه دلوقتى لولاه كان زمان اخواتنا لسه مش عارفين يقفوا على رجليهم و يلاقوا شغل ولا أنا كان زمانى لسه بستلف حاجات باله من قرايبنا بعد ما هروا امها لبس و تتحسب علينا جميله يااااه مش مصدقه نفسي.

ولاء: بقولك ايه ما تتصلى بيه كده نشكره الموضوع ده حقيقي كان محتاج دماغ بنت لذينه علشان تقدر تحبكه بالشكل ده.

شروق: ثوانى هطلع التليفون من جيبى.

شروق لسه بتطلع التليفون من جيبها لقت بابا الحمامات بيتفتح و فى واحده بتدخل عليهم هى مكنتش تعرفها لكن ولاء تعرفها كويس اوى ، دخلت البنت هاريه نفسها عياط و عماله تتشحتف ، ولاء و شروق اتوتروا فى البدايه خافوا تكون كانت بتتصنت عليهم و سمعت اللى دار لإن كده هيبقى تعبهم كله راح فى الهواء لكن قدرت ولاء تستجمع شجاعتها و سألتها

ولاء: مالك يا أستاذه ملك بتعيطى ليه بالشكل الجامد ده ؟

ملك (اخت شمس) : مفيش يا ولاء مفيش 😭.

شروق: مفيش ازاى بس انتى مش شايفه شكلك ده مين الغبى اللى عمل فيكى كده ده قلبه حجر ده ولا ايه ؟

ملك: هو ملوش ذنب أنا اللى اذيته فى الأول أنا اللى خاينه و بعدته عنى بخيانتى ليه بعدت أقرب الناس ليا عنى.

شروق: اسمعى منى لو كان أقرب الناس ليكى زى ما بتقولى عمرك ما كنتى اتخليتى عنه ولا خونتيه أكيد هو اللى مش بيفهم حد يسيب قمر زيك كده تعيط أصلا ده جبله و مبيحسش

ملك: متقوليش عليه كده ده انضف شخص انا شفته فى حياتى شخص طول عمره بيحب الخير ل غيره و بيساعدهم لكن للأسف مبيردوش عليه غير بالاذى حتى أنا أهو بالرغم من أنه طول عمره بيساعدنى و بيخفف عنى رخامة الناس و الايام لكن بعته عند أول محطه كان اول مره يعتمد عليا فى حاجه و كسرت بخاطره و طعنته فى ضهره.

ولاء: و لما انتى بتحبيه أوى كده ايه اللى يخليكى تعملى حاجه زى دى يا استاذه ملك بعدين كل شئ بيتصلح و بكره الأحوال تتعدل و ترجع العلاقه بينكم زى الفل انتى بس سيبى الموضوع للزمن و هو هيحل كل شئ.

ملك بتمسح دموعها: معتقدش يا ولاء معتقدش أبدا أن دى ممكن تتصلح. (غسلت وشها و سألت ولاء عن مكان سيد النويري و خرجت)

ملك راحت الشركه فى اليوم ده علشان تشوف جدها سيد لغايه فى دماغها ، ف هي شخصية بتحب تاخد آراء اللى حواليها خصوصاً القريبين منها زى جدها و على ابن عمتها لأنها بتشوف إن الاتنين دول رأيهم بيكمل بعضه.

على كان دائماً مهتم أنه يعرف اكتر عن الحياه و الكون حواليه عن الوظائف و الكورسات و يقرأ عن كل ما هو جديد أو حتى قديم علشان كده كانت بتعتبر على هو مصدر معلومات جيد بيبنى فكره على المعلومات اللى عنده فى المقابل جدها كان عنده خبره فى الحياه اكتر لف و شاف كتير و عنده خبره غير انه على درايه كبيره بالناس و طريقة تفكيرهم ، الفكره إنه بس مكنش بيشارك ده غير مع اللى بيطلبه منه مكنش بيروح من نفسه و ينصح علشان كده دائما بتسأله هى.

شافت ملك جدها واقف و مديها ضهره كان واقف مع شخص لابس رسمى و شكله انيق بالرغم من كرشه الواضح ، راحت ملك لجدها و لقيته بيقول للشخص ده.