المتمرد | السلسلة الأولي الجزء الاحادى والعشرون

المتمرد | السلسلة الأولي الجزء الاحادى والعشرون

الشخص:بجد انت دماغك فى حته تانيه يخربيت دى عقليه ده أنا الواد صعبان عليا من دلوقتى 😂.

المتمرد | السلسلة الأولي الجزء الاحادى والعشرون

السيكوباتى:ميصعبش عليك غالى الواد ده دماغه شغاله و خطر علينا هو أه ميعرفش بوجودنا بس لو فضل كده هيعرف و ساعتها هتكون دخلنا سجال مش عاوزين ندخله إطلاقاً.

الشخص:تمام يا ريس أنا واثق إنها تمشى زى ما خططنا عن اذنك هرجع أنا دلوقتى أقف مع الحرس فى الفيلا علشان أخرج مع الهانم و الاولاد.

السيكوباتى:خلى بالك و فتح عينك كويس مش عايز اي حد مشكوك فيه يقرب منهم احنا أعداءنا كتير فى السوق محدش عايزنا نرجع نبقى أسياد مجانا تانى بس هانت قريب أوى و هنرجع الأقوى فى مجالنا و ساعتها هندوس على عائلة النويري بالجزمه.

فى الوقت ده على كان قاعد فى كافيتريا مع شخص أو بالتحديد يعنى شخصيه.

على: بقولك ايه عاوز منك خدمه عمرى ما هنساهالك.

الشخصية: اطلب و اتمنى يا على انت ياما خدمتنى و أنا مش ناسيه أن لما كنت بحتاج حد يساعد كنت انت اول واحد تبقى جنبى ف أطلب علطول ميهمكش مفيش بينا الكلام ده.

على:ده العشم برضه بصى أنا عاوز منك ……. .

الشخصية باستغراب:اشمعنا يعنى الطلب ده ؟

على:من غير اشمعنا هتقدرى ولا اشوف غيرك.

الشخصيه: غيرى ده ايه متهرجش انت عايز الموضوع ده امتى ؟

على: وقت ما تحبى و انتي كريمه واحنا نستاهل يعنى بس المهم يكون الطلب مظبوط.

الشخصية:ولا يكون عندك فكره يا على ده انا هفاجأك باللى اقدر اعمله.

على:ورينى إبداعك و أنا قاعد مستنى على احر من الجمر عن اذنك أنا دلوقتي ورايا مشوار مهم لازم اعمله.

اتحرك على اتجاه بيته و كانت الساعه داخله على ٩ بليل و اول ما طلع قدام باب شقته لقى الصوت ده.

شخصيه:بس بس بس.

على: مين هنا ؟

الشخص بصوت هامس: أنا هنا يا على بصى شمالك.

على:بتعملى ايه هنا يا اسماء ؟ امك رانيا فيها حاجه ؟

أسماء:هشششش مش هنتكلم هنا أنا عايزه أكلمك على التليفون خد الورقه دى فيها نمرتى رن عليا هستناك ها باااى.

دخل على شقته و هو فى عقل باله مالها المجنونه دى ؟ بس يلا يعنى هى جت عليها خلينا ناخد دش و نظبط نفسنا علشان شغل بكره اكون جاهزله كويس.

دخل على اوضته بعد ما خلص استحمام بمياه بارده لبس و حضر كوباية نعناع و مسك تليفونه رن على الرقم اللى كتبته أسماء ليرد الطرف التاني بصوت رقيق.

أسماء:ألو.

على: ألو نمرة انسه أسماء دى ؟

أسماء: أيوه يا على انا أسماء عامل ايه ؟

على: أنا تمام بخير انتى عامله ايه يا أسماء و أخبار استاذه رانيا ايه ؟

أسماء: أستاذه رانيا كويسه و أنا كمان كويسه.

فضل الوضع صامت كده ثوانى مستنى على فيهم تقول أسماء عايزه ايه و أسماء ساكته مش عارفه تفتح كلام.

على:طب إيه ؟

أسماء:إيه؟

على: لأ أنا بنام بدرى و عندى شغل الصبح علفكره غير كده رصيدى على قدى 😅.

أسماء:أه اسفه بصراحه انا كنت متصله يعنى علشان خاطر احم احم اسأل عليك و كده خصوصاً يعنى أن مش بعرف اتكلم معاك و ماما موجوده.

على في باله :يا حلاوته هى جات عليكى انتى كمان شوفى رغم انى مش فايقلك وامك بنت وسخه بس أنا أحترم روح الصداقه بتاعة كارلو أنشيلوتي 😅 اللى عندك.

على:ما هى معذوره برضه لما يكون عندها بنوته جميلة زيك كده لازم تخاف عليها برضه.

أسماء بكسوف: ميرسي ده من ذوقك حقيقى بعدين انت واضح عليك شاب محترم يعنى و غير كده وسيم و مهتم بنفسك.(قالت اخر جملتين بصوت واضح فيه الكسوف)

على: أنتى شايفه الناس حلوه علشان عنيكى انتى حلوة يا انسه أسماء.

أسماء بكسوف:خليها أسماء عادى أو لو تحب ممكن تقولى يا سمسمه.

على:بس كده تمام يا سمسم قوليلى بقه بتعملى ايه دلوقتي ؟

أسماء:ما قاعده بكلمك أهو لو مش واخد بالك يعنى 😅.

على:لا مش قصدى كده 😅 أنا أقصد فى حياتك بتعملى ايه؟ لسه بتدرسى ؟

أسماء: أنا اتخرجت بقالى ٣ سنين أصلا 😅.

على :ياااه ولا يبان عليكى حقيقى جمالك يسحر لدرجة إن اللى يشوفك يقول بالكتير عندك ٢٠ سنه.

أسماء:ده أنت اللى عنيك حلوه ف بتشوف الناس حلوه.

على:ده انتى بترديهالي بقه 😅.

فضل على و أسماء يتكلموا لمده طويله شويه لغاية ما استأذنها على علشان عنده شغل تانى يوم.

صحى على تانى يوم أخد دش جهز و ظبط نفسه و نزل اتجه ل شركة جدة ، على الناحيه التانيه جد على صحى من نومه و أخد دش و بدأ يلبس فى اوضته علشان ينزل لكن قبل ما ينزل لقى ريهام مراته بتنادى عليه.

ريهام: أبو السيد حبيبي❤️.

سيد: ريرى حبيبة قلبى ايه مصحيكى بدرى كده ؟

ريهام: بصراحه نومتي كانت قلقانه النهارده بسبب الموضوع اللى كلمتنى فيه امبارح مش عارفه بس مش حاسس موضوع إنك تحط محمود مكان محمد ممكن يخليهم يشيلوا من بعض.

سيد: متقلقيش يا حياتى أنا عارف أنا بعمل ايه كويس و حتى انا قايل ل محمد الموضوع من يوم الخميس و اديكى شوفتى امبارح ؟

ريهام: واثقه فيك بس خايفه بصراحه مش عارفه ليه حاسه ان الموضوع ده هييجى علينا بالوش و وجع الدماغ.

سيد باسها في راسها: متقلقيش يا حياتى أنا عارف انك حريصه على تماسك العيله علشان كده خايفه بس صدقيني أنا حريص زيى زيك على سلامتها فلا تقلقي.

ريهام:تمام يا حبيبى ، هتتأخر النهارده ؟

سيد: أهو نسأله التساهيل ادعيلى علشان يومى صعب شويه النهارده.

ريهام: دعيالك يا قلبى من كل قلبى تروح و تجيلى بالسلامه.

اتحرك سيد و وصل الشركه قابلته ولاء من قبل ما يدخل مكتبه.

ولاء: صباح الفل يا مستر سيد حضرتك عامل ايه النهارده ؟

سيد: أنا تمام و زى الفل انتى عامله ايه النهارده ؟ بالمناسبه اجتماع النهارده الساعه كام ؟

ولاء: انا تمام بخير و بالنسبة لاجتماع النهارده ف

هو الساعة ١٠ و قلت لكل أعضاء مجلس الإدارة زى ما حضرتك طلبت

سيد:تمام يا ولاء اتفضلى انتى دلوقتى وابقى ابعتيلى القهوة بتاعتى على المكتب.

خرجت ولاء و سابت سيد فى المكتب ، سيد بدأ يجهز نفسه للأجتماع و جه على باله عَلِى ف رن عليه يتطمن هيوصل امتى.

سيد: عامل ايه يا بيه ؟ و ايه الحكايه مشوفتكش وصلت الشركه و بتخبط و داخل عليا المكتب تسلم ولا بتاع احنا مش متفقين انك جاى؟

على: حصل و أنا فعلا فى الطريق بس الصبر حلو وبعدين لسه أنا ميعادى ٩ يعنى لسه معايا نص ساعه.

سيد: ماشى ادينى مستنى اعمل حسابك تعدى عليا قبل ما تروح القسم بتاعك عايز أكلمك فى موضوع مهم.

على:خير يا أبو السيد فيه حاجه ولا ايه ؟

سيد:لما تيجى هحكيلك انت قدامك قد ايه ؟

على: يعنى مش كتير معايا بتاع ١٠ دقائق بالكتير.

سيد: تمام هستناك ، سلام 👋🏻.

بدأت الحركة تعم فى الشركه أغلب الموظفين بدؤوا في الحضور والتواجد على مكاتبهم من ضمن الموظفين اللى كانوا لسه داخلين من المدخل هما موظفين القسم القانوني.

القسم ده بشكل عام مكون من ٤ محامين و ٣ متدربين و على المفروض هو المتدرب الرابع لغاية ما يطلع الكارنيه ده غير رئيس القسم نفسه اللى هو برضه محامى كبير و له أسمه.

طبعاً المتدربين مش محتاج أقولك أسماءهم أغلبهم انت عارفهم عزيزي القارئ شروق و كريمه و على و الوحيده اللى متعرفهاش بنت اسمها ندى.

بالنسبه للأساتذة المحامين ف هما كانوا ٢ و ٢ منهم محمود واحد منهم ده اكيد و معاه صديقه اللى كان فى الكافيتريا لو فاكره كان اسمه رامي و فيه ٢ محاميات أسمهم هدى و ابتسام ودول ظهورهم في القصه هيبقى مش كبير يعنى حتى لو هيظهروا ف هيكون ظهورهم خفيف.

عدت ال ١٠ دقائق و دق على باب مكتب جده

سيد: أدخل.

على: صباح الفل يا ريس عامل ايه النهارده ؟

سيد:زى الفل يا على انت عامل ايه تعالى أقعد.

على: أنا تمام و بخير ، كنت بتقول عايزنى فى موضوع مهم خير يا حاج.

سيد:كنت هكلمك على موضوع ملك يا على.

على:وليه السيره دى على الصبح.

سيد: أفهم يا حمار البت خلاص جايلها عريس و هشوفه بكره قبل ما اديله ميعاد علشان يجى يتقدم ف خلاص انتوا كبرتوا مبقاش ليه لازمه شغل العيال ده بقه اعقل يابنى و صالح اختك مش هقولك بنت عمتك انت طول عمرك قريب منها اكتر من اختك نفسها و البت نفسها ندمانه و بصراحه معذوره هى اتحطت فى خانة اليك و كان لازم تخاف على منظر اختها قدام العيله ده حقها و حط نفسك مكانها أنا مش حابب اضغط عليك فى الموضوع بس صدقنى عمرك ما هتلاقى زيها صاحبه جدعه و وقت ما تعوزها هتحتاجها تخاف عليك و تحبك ده البت جه عليها فتره مكنتش بتعرف تنام من الزعل و القهره اللى فيها أنا بس حبيت أكلمك علشان فعلا حاسس بيها و صعبانه عليا هى الوحيده اللى دائما تدافع عنك لما تيجى سيرتك فى اى قعده نقعدها سوى انا كده عملت اللى عليا و اللى هى النصيحه الباقى بتاعك انت يا على يلا دلوقتى روح على شغلك عايزك ترفع راسى أنا مفهمهم إن أنا جايب فريد الديب الجديد الشركه 😂.

على:شكلك نفخت كتير و هروح هناك هفرقع فى وشهم😅 ، متقلقش يا أبو السيد هشرفك و هوريك إن مجهود ٤ سنين مرحش هدر.

سيد:أتمنى كده كده الاخبار هتجيلى عن يومك الأول ف هنعرف منها.

على:مش بدرى شويه موضوع اول يوم ده ؟

سيد: لما تروح هتفهم قصدى ده انت هتتفاجئ من قسم المجانين اللى عندكم 😂.

على: أنت حاطط قسم فيه سيرك ولا ايه 😅 لا أنا كده بدأت اتوغوش 😂.

سيد: متقلقش لما تروح وتقعد هتفهم انا اقصد ايه.

على: تمام عن اذنك أنا دلوقتي.

خرج على واتجه للقسم الخاص بيه هو عباره عن نص دور ليه مكاتب جوه و النص التانى خاص بقسم تانى غير القسم بتاعه.

دخل على القسم بتاعه شاف قدامه ٤ أوض واحده مكتوب عليه رئيس القسم والتانيه للساده المحامين و التالته للمتدربين و الرابعه دى غرفة اجتماعات صغيره خاصه بالقسم.

خبط عَلِى عَلَى مكتب رئيس القسم فسمع صوت من جوه بيقول.

الشخص: ادخل.

على:سلام عليكم يا استاذ ازيك عامل ايه ؟

الشخص: اكيد انت على أستاذ سيد كلمنى عنك كتير و بصراحه من كلامه متحمس أشوف النتيجه.

على: نتيجتى لسه مظهرتش الحقيقه لكن لما تظهر هجيبهالك أكيد.

الشخص: لأ انت فهمت ايه 😅 أنا مش قصدى كده تعالى معايا اعرفك على الأستاذة وبالمره نشوف النتيجه قصادهم.

اتجه على و رئيس القسم لغرفة الاجتماعات الصغيره حيث الكل قاعد مستنى رئيس القسم كالعاده علشان يوزع المهام اليومية المختلفة.

دخل الاتنين وألقى كل منهم التحيه على الحضور.

أشار رئيس القسم ل على أنه يقف على مقدمة الترابيزة و يعرف نفسه للحضور.

على: أنا على محمود سيد النويري طالب بكلية الحقوق جامعة القاهرة أُعتبر خريج لما تطلع الشهاده هتكون رسمى إن شاء…. نزلت اتدربت بداية من أجازة سنه تانيه علشان يكون عندى جزء من الخبرة العملية اللازمه و بس كده.

بدأ الجميع يعرف نفسه بشكل طبيعي زى ما ذكرنا أسماءهم.

رامى:مش هنعرف نتيجة على يا استاذ وجيه.

وجيه:كنت لسه بقوله على الموضوع ده قبل ما نيجى هل فيه متطوع حابب يدخل يتنافس معاه ، بص يا على الموضوع باختصار بنعمل زى مسابقه صغير بين الفرد الجديد و حد من القديم هى بتكون عباره عن ٤ اسئله سؤالين و سؤالين و لو حصل تعادل ف بيبقى فيه سؤال خامس اللى يقدر يجاوبه أسرع ، ها مين هيتطوع ؟

أثناء ما وجيه كان بيشرح ل على كريمه كانت قاعده و على يمينها شروق وعلى شمالها محمود اللى غمزها فى دراعها ترفع أيديها.

رفع كريمه أيدها علشان يقومها أستاذ وجيه و يطلب منها تقف جنبه ف بقى المشهد على واقف على شمال وجيه و كريمه على يمين وجيه و قدامهم أعضاء القسم.

بدأت المسابقه و الحق يقال اسئلة كريمه كانت اسهل شويه عن أسئلة على لكن قدر الاتنين يجاوبوا اسئلتهم لحد ما جه السؤال الفيصل و الكل قاعد مركز و متحمس

وجيه:السؤال الأخير و الفيصل بيقول أكمل العبارة الآتية

تعتبر…… سند المل فى لحظتها على تلقائياً لقى نفسه بيقول

على: الحيازه يا استاذ الحيازة هى سند الملكية.

وجيه: برافو سريع يا على ده انا ملحقتش اكمل السؤال.

على:السؤال سهل و بسيط مش محتاج غير السهل الممتنع.

وجيه: عاجبنى رؤيتك للأمور اتمنى ده يتحول لنتيجة نشوفها فى الشغل.

هنأ الجميع عَلِى على المكسب وبعدها قالهم وجيه

وجيه:يلا خلونا نبدأ شغلنا اتفضل خد كرسى يا على و خلينا نشوف ايه المطلوب النهارده.

بدأ على الانخراط فى وسط المجموعة ويحاول ياخد على الأجواء كان يومه الأول أو خلينا نقول مهمته الاولى ترجمة أحد العقود اللى المفروض انها عقد بناء مشروع بالتحديد قريه سياحية داخله فيه الشركة لمستثمر اجنبى و المطلوب نعمل نسخه من العقد اللى باللغه الاجنبيه للغه العربيه كان المفروض إن معاه ندى المتدربه هى برضه طالبه فى سنه رابعه زيها زيه الموضوع بينهم بدأ ب أزيك و عامل ايه و أنا زميلتك هنا احتجت أى حاجه ف أنا و الأساتذة موجودين تقدر تسألنا على اللى تحبه.