المتمرد | السلسلة الأولي الجزء الثالث والعشرون
 |
| المتمرد | السلسلة الأولي الجزء الثالث والعشرون |
صوره فيها هو و مراته ريهام مبتسمين و ضامين ولادهم من الجانبين و قدامهم أحفادهم من الكبير للصغير الكل كان موجود و على وشه ابتسامه تمنى سيد لو ترجع الأيام دى مره تانيه لكن من الواضح إن دوام الحال من المحال.
المتمرد | السلسلة الأولي الجزء الثالث والعشرون
بعد دقائق خبط باب مكتبه و سمح سيد للشخص بالدخول كانت ولاء بتستأذن سيد إن نادر يدخل و بالطبع أداها الأذن.
دخل نادر على سيد النويري و هو متفحص جيد ليه و لهيئته كأنه بيحاول يفهم حاجه او عايز يقوله حاجه لكن منطقش غير ب الطبيعي.
نادر: حضرتك طلبتنى يا استاذ سيد.
سيد: أه يا نادر اتفضل أقعد ، دلوقتى انا عايز افهم منك حاجات كتير عن وضع الشركه المالى لإن لاحظت إن مرفوع علينا كمية دعاوى تعويضيه و بنخسرها ده غير أسهم الشركة اللى بتنزل تقدر حضرتك بقه توضحلى وضعنا المالى بعد كمية التعويضات اللى المفروض هندفعها لو خسرنا و كمان وضع الشركه باعتبار حضرتك المفروض بتبص برضه على النشاط التسويقي لينا ف المفروض كنت تكلم رئيس مجلس الاداره و تحذره لو شايف إن فيه غلط مش صح ؟
نادر بربكه: أكيد صح يا فندم و حضرتك أنا عملت كده بالفعل و تقدر تسأل استاذ محمد كمان لإن لما لقيت سمعة الشركه بتقع و حتى شغلنا التسويقى مش فعال زى الاول أبلغته بالتطورات و حتى حطينا خطه علشان نتعامل مع الموضوع ده لكن استاذ محمد اتعزل من منصبه بعد تفعيلنا للموضوع بفتره قصيره بالتالى الموضوع وقف و لسه بنتكلم أنا و السيد رئيس مجلس الاداره الجديد.
سيد:هل كان فيه نتائج إيجابيه بعد ما تم تفعيل الخطه فى الوقت القصير ده ؟
نادر بسرعه: أكيد يا فندم و حالياً بحضر ملف بخصوص الموضوع علشان أعرضه على السيد محمود رئيس مجلس الاداره الجديد بس مستنى نتيجة المناقصه النهارده علشان أتمم الملف.
نادر من جواه كان مرتبك مكنش يتوقع نهائى إن سيد يتواصل معاه بشكل مباشر قبل المناقصه ما نتيجتها تطلع اللى هو بنفسه متأكد إن الشركه خسرتها.
سيد:أممم طيب الملف ده لما يجهز أنا عايز منه نسخه ، تقدر ترجع على مكتبك.
خرج نادر وهو من جواه عمال بيسأل نفسه يا ترى شك فى حاجه ولا لأ و هو ماشى قطع تفكير خبطة كتفه فى ندى اللى كانت موجهه ل مكتب ولاء علشان تحاول تعرف منها نتيجة المناقصه.
نادر: أسف يا استاذه مأخدتش بالى.
ندى:ولا يهمك يا استاذ.
وصلت ندى لمكتب ولاء بس مكنتش موجوده وقفت كام دقيقه تستناها لحد ما لقيتها جايه و موجود فى أيديها ملف خمنت ندى أنه يخص المناقصه ، استنت ندى لحد ما ولاء قعدت على مكتبها و بدأت تحاول معاها.
ندى: صباح الفل يا لولا.
ولاء:لولا مره واحده يبقى اكيد عايزه حاجه ما انا حافظاكى.
ندى:حلو كده نلعب ع المكشوف بصى بقه أنا عايزه اعرف نتيجة المناقصه بتاعة……. اللى داخلاها الشركه.
ولاء: ودي أعرفهالك بصفتك ايه يعنى ؟
ندى:بصفتى صاحبتك يا لولا.
ولاء: صاحبتى و صاحبتك ده هناك فى الكافيه إنما هنا شركه محترمه مفيش فيها الكلام ده 😂.
ندى:هديكى ٢٠ جنيه تشبرقى على نفسك بيهم يلا يا ستى مش خساره فيكى😂.
ولاء:ياااه عشرين جنيه بحالها ده انتى كريمه بشكل.
ندى: علشان تعرفى انك حبيبتى بس 😉😂.
ولاء:امشى يا بت أومال لو عدوتك كنتى عملتى ايه بعدين يرضيكى صاحبتك تبقى مرتشيه.
ندى: وأنتى يرضيكى صاحبتك تبقى على عماها و مش عارفه ايه اللى بيحصل في الشركه 🥺.
ولاء:خلاص خلاص صعبتى عليا هقولك يا ستى و صحيح أنا كلمت على فى موضوع صاحبتك زى ما اتفقنا.
ندى: بجد ؟ طيب رفض ولا ايه ؟ أصل مجابليش سيره و أحنا فى القسم النهارده.
ولاء: لا يا اختى وافق وكمان رسم لنا الخطة.
ندى: شوقتينى أعرف ها قوليلي ايه هى ؟
ولاء: هقولك بصى أحنا هنعمل …… .
ندى: بس مش خطر دى يا ولاء ده أحنا لو حد فينا غلط ممكن نروح كلنا فى داهيه.
ولاء: متخافيش اهم حاجه فى الخطه دى التركيز لو نفذتوا انتوا الخطوات اللى تحت صح الموضوع هيمشى زى السكينه فى الحلاوه
ندى:متأكده يا ولاء ؟ خلى بالك الخطه دى صعب انها تتعمل ولو اتقفشنا هنروح في داهية أو مش بعيد هى اللى تجيلنا كمان.
ولاء: عارفه و صدقيني أنا لولا أنى واثقه فى على لا يمكن كنت اسمح له أنه ينفذ الخطه دى بس علشان انتى صاحبتى و مش تهونى عليا انتى و الجزمه التانيه ف بساعدكم ياكش هى تتعظ و بالمناسبه خدى بصى فى النتيجه اهى قبل ما سيد بيه نفسه يشوفها.
ندى:طيب هاتى ورينى كده.
مسكت ندى الملف و بدأت تبص فيه و تقرأ لغاية ما وصلت للصفحه المطلوبه و لما شافت النتيجه عنيها بأن فيها الصدمه
ندى: ازاى ؟ ازاى ده حصل ؟
ولاء:فيه إيه وقعتى قلبى يخربيتك خسرناها ؟
ندى:بصى فى الملف و انتى تفهمى.
ولاء بصت فى الملف و اتفاجئت من النتيجه زيها زى ندى.
ندى: بقولك ايه ادخلى وريه لأستاذ سيد قبل ما يشك فى حاجه و احنا واقفين و الكاميرا جايبانا كده و أنا ساعه او اتنين هكلمك علشان نجر رجل الزبون و صحيح بالمناسبه شكراً جدا ليكى انتى طلعتى جدعه أوى يا ولاء.
ولاء:من زمان و أنا جدعه يا بت 😉😂 ، باى يا قلبى.
نزلت ندى و أتحركت على القسم و دخلت على الأوضه بتاعة الاساتذه علشان تكلم و تعرفه الأخبار.
صوت خبط على الباب تلاه صوت جاى من جوه أذن للى بيخبط أنه يدخل.
ندى: صباح الفل يا أستاذه ابتسام.
ابتسام: أزيك يا ندى تعالى قوليلى عامله ايه بعدين أستنى أنا زعلانه منك معقوله مش تقوليلى على فرح أختك غير النهارده ؟ يابت ده احنا شغالين فى مكان واحد يعنى أقرب من أصحابك اللى يدوبك تشوفيهم وقت فراغك.
ندى: معلش يا استاذه أنا عارفه أن ليكى حق تزعلى بس لو تعرفى ظروفى هتقدريها …. وحده يعلم معزتك عندى و انى بعتبرك اختى مش صاحبتى بس الظروف مسمحتش اعزم حد فى الخطوبه أو غيره بس ملحوقه فى الفرح الكل مدعو و حضرتك بشكل خاص ده أكيد.
ابتسام:هعديهالك يا ندى بس إياكى تعملى الحركه دى و انتى مكان اختك هقطم رقبتك 😂.
ندى: لا و على ايه أنا لسه عايزه اعيش 😅.
ابتسام: أيوه كده و إلا انتى حره بقه 😂 ،قوليلى انتى كنتى بتتكلمى على أجازه ف ممشتيش ليه ؟
ندى:كنت ماشيه بس جايه أدى ل على حاجه كان طلبها منى.
ابتسام:حاجه طلبها برضه 😉.
ندى بكسوف: أه اومال هيكون ايه يعنى😅.
ابتسام:يابت عليا أنا.
ندى: حقيقي مفيش حاجه أنا أساسا مش بفكر فى على كده على زميل وبس.
ابتسام: و ميبقاش اكتر من زميل ليه ؟ الواد مثقف و محترم و غير كده كل الناس بتحبه ده غير أن ملاحظه انك ارتحتى معاه فى التعامل بسرعه و الدليل مجيتك دلوقتى اهو😉😂.
ندى:هو شاب كويس مقولتش حاجه بس أنا مش بفكر فى الارتباط دلوقتى أصلا.
ابتسام:امشى يا بت غورى فورتى دمى زى المدعوق جوزى اللى يتفور دمه البعيد.
ندى:لسه المكنه عطلانه ولا ايه 😉😂.
ابتسام:اتنيلى متفكرنيش كان يوم أسود يوم ما اتجوزته بقولك ايه شوفى انتى رايحه فين بوظتيلى مزاجي ياللى يبوظ مزاجك.
ندى: وأنا مالى يا لمبى😂.
ابتسام: أهو كده 😂.
ندى:طيب على و استاذه هدى فى المكتب عند استاذ وجيه ؟
ابتسام:لأ على نزل هو و هدى محكمة……. علشان يخلصوا شغل إدارى ف الأحسن ليكى اتكلى و ابقى اديله اللى عايزاه فى يوم تانى.
ندى:طيب سلام أنا دلوقتى يا استاذه.
ابتسام: سلام يا ندى.
خرجت ندى من المكتب بل من القسم خالص و طلعت تليفونها ترن عَلَى عَلِى ليرد من الناحيه التانيه على بعد لحظات.
على: إيه يا ندى بترنى ليه ؟
ندى:عرفتلك المعلومه اللى بتدور عليها.
على:بجد؟ طمنينى النتيجه طلعت إيه ؟
ندى: النتيجه طلعت ……. .
وقفلى هنا بقه يابنى معلش عارف انى فصلتك 😅 بس خلينا نعمل فلاش باك و نبدأ نسرد الأحداث اللى قبل يوم ظهور النتيجه و هيكون السرد على لسان عَلِى.
( فلاش باك )
بعد ما قفلت مع اسماء بنت رانيا صاحبة البيت نمت و صحيت على صوت رنة تلفونى فى الواقع مكنتش رنة منبه دى كانت رنة إتصال و كانت من شروق رديت على التليفون
أنا:ايه يا بنتى سبينى انام نصايه زياده علشان لما أنزل للشغل.
شروق:الحقنى يا على هيموتونييييييى.
أنا بربكه: مالك يا شروق فهمينى فيه إيه ؟
شروق بتعيط :البيت كله عرف يا على إن أنا متجوزه من عمك.
أنا:طيب و انتى زعلانه ليه دلوقتى مش ده اللى كنتى عايزاه أصلا و انتى اللى نفذتى مع انى نبهت عليكى محدش ياخد خبر إطلاقاً.
شروق بتعيط اكتر:ما مش أنا اللى قلت مش أنا اللى قلت.
أنا بزعيق:أومال مين اللى قال امى ؟
شروق بتبكى:فيه رقم غريب بعتلى صوره على الواتس و هو باعت صورة العقد بتاع جوازنا فى شات مرات عمك ساره.
أنا:رقم غريب ؟ مقالش مين او عايز إيه ؟
شروق بتعيط: لأ مقالش حاولت كتير و اتحايلت عليه يمسح الرساله مرضيش و عمك رن عليا مفكرنى أنا اللى عملت كده و جاى على هنا و هيموتنى 😭.
أنا:طب أهدى أهدى وعد منى محدش هيلمس شعره منك دلوقتى قوليلى عمى قالك ايه بالظبط ؟
شروق: أنا صحيت من ساعة بالظبط كنت قلقت فى نومى قمت أشرب مياه و رجعت ابص فى التليفون أشوف الساعه كام خدتنى ايدى و فتحت داتا لإن النوم كان طار من عنيا لقيت رقم غريب بعتلى رساله فيها زى ما قولتلك صوره وتحتها ايموجي بيضحك حاولت اتواصل معاه و اترجاه يمسح الرسالة مقبلش ومفيش دقيقة و أنا بحاول معاه لقيت عمك بيرن عليا و مجرد ما قلت ألو انفجر فى وشى وقالى أنه هيمحينى من على وش الدنيا.
أنا:طب ما كنتى تقوليله انك مش انتى اللى بعتى الرسالة و أكيد كان هيصدقك.
شروق:مهو مهو ابن الكلب بعت الرساله لساره على إن أنا اللى باعتاها 😭 قولى أعمل ايه هروح فى داهيه 😭.
مكدبش عليك كنت مستنى المكالمه دى أساسا لإن كده أنا شكى كده كان صحيح فأنا كنت شاكك من الأول إن إحتمال كبير عمى يكون بياخد أوامر من حد بره مش مجرد تآمر على الشركه وخلاص لا ده الموضوع جاى من شخص واحد ده الشئ الأقرب للمنطق و أكيد الحد اللى بره ده عايز حاجه معينه من عيلتنا و غالباً ليه عداوه معانا بشكل من الأشكال و عشان يضمن انه ينجح فى الحاجه اللى هو عايزها محتاج يعرف تحركات كل أفراد العيلة علشان كده غالباً الشخص ده هو اللى زق عليا رانيا طبعاً علشان يخلص منى خالص ولما مقدرش أصبح مراقبنى بره و جوه العمارة و أكيد كان مراقبنى وأنا بتكلم مع شروق و ولاء ، بس فيه سؤال تانى محيرنى لما هو مراقبنى إزاى سابنى أنزل عمى من منصبه بسهوله كده فيه شئ مش منطقي ، منى لما حذرتنى من موضوع البودره قالت إنها سمعت حد فى المكتب عند جدى فى المكتب ف إذا الشخص اللى بلغ عنى المفروض من العيله ف هل الشخص ده من العيله ؟ الموضوع كان بيتعقد ف قررت ابنى خطة بديلة مؤقتة ميعرفهاش غير ٣ انا و شخص تانى و ولاء و هما الاتنين ميعرفوهاش كلها جزء صغير منها بس اللى يعرفوه.
أنا: طب أهدى أهدى بصى اعملى اللى هقولك عليه بالحرف و اياكى تغلطى و إلا هنروح كلنا فى داهية ، بصى انتى هتدخلى اوضتك و اقفلى على نفسك بالمفتاح عمى هييجى زى ما قالك وهو متعصب طبعاً هيحاول يدخل علشان يأذيكى لكن انتى هنا تقنعيه انك عرفتى مين اللى بعت الرساله.
شروق:بس انا معرفش مين بعت الرساله يا على.
أنا: لأ تعرفى يا شروق انا اللى بعت الرساله.
شروق: أنت ؟ طب ليه ؟
أنا:يا غبيه مش أنا أكيد انتى بس هتقولى كده علشان تنفدى بلدك و تطلعى من الموضوع.
شروق:طب ما هيسألنى أنت جبت عقد الجواز منين ؟ بعدين حتى لو صدق ما أنت كده بتفتح على نفسك نار تانيه انت فى غنى عنها.
أنا: لأ مش هيسألك يا شروق علشان أنا هبعتلك نفس الرساله اللى بعتهالك الرقم الغريب من رقم غير اللى بكلمك منه و هكون مسجله بأسمي و حتى على Truecaller هيكون بأسمى و هحاول طبعاً يبان الموضوع أنى عاوز انتقم منك ومن عمى فى الشات ده هيساعد أنه يصدقك و الباقى عليا أنا ملكيش دعوه بموضوع نار تانيه أو تالته ركزى و اوعى تغلطى هبعتلك دلوقتى رسالة باللى لسه قايلك عليه فى شات من رقم تانى و عايزك تطمنى متخافيش انا عمرى ما هسمح لحد يؤذيكى سلام.
بعت الرسايل و كان واضح فى الشات إن أنا مش داخل ابتزها لا ده أنا داخل بغرض الأذى و الانتقام منها و من جوزها.
أتصلت بـ ولاء بعد ما خلصت موضوع الرسائل مع شروق وهى مفيش دقائق و ردت عليا
ولاء: صباح الخير يا على.
أنا: صباح النور ، بقولك إيه اللى كنت شاكك فيه حصل فيه حد فعلاً كان بيراقبنا و سمع اللى حكيناه زى ما كنت قايلك.
ولاء: إيه ؟ طب و شروق !!!
أنا: متخافيش كلمتنى و فهمتها المطلوب منها بالظبط المهم أنا رنيت عليكى علشان أقولك إن شغلك هيبتدى من النهارده رسمى ، مادام عمل الحركه دى يبقى أكيد قاصد يفشكل الدنيا و يخليكى تركزى مع اختك و العيله كلها تركز فى موضوعها علشان يفضى ليهم الجو عايزك مصحصحه و متقلقيش على اختك أنا اضمن ليكى و ليها السلامه.
ولاء بقلق:بس أنا خايفه على اختى افرض عملوا فيها حاجه.
أنا: متخافيش وعد منى يا ولاء شروق هتطلع من الموضوع ده كسبانه كتير أوى معنويا و ماديا بس انتوا ركزوا لأننا فى مرحلة حرجة بنتنافس فيها مع شخص منعرفش عنه حاجه ، بقولك سلام دلوقتى علشان المتوقع ان تليفونى هيشتغل رن كمان شويه.
قفلت مع ولاء و دخلت اخد دش ساقع عايز أكون مفوق لأن كل خطوة دلوقتى يا ترجعنى ورى يا تقدمنى خطوه.
لبست و نزلت أركب علشان أتجه للشغل لإن المفروض تكون عادي تماماً.
و أنا فى الطريق رن عليا اكتر شخص غير متوقع أنه يرن عليا بالنسبه ليا لقيت مايا بترن عليا.
فى بالى كنت بقول احا مش وقتك خالص يا مايا ده انتى عمرك ما رنيتي عليا فى الوقت ده ، ردى عليها بقه كان عكس كده إطلاقاً.
أنا: قلبي من جوه عامله ايه النهارده ؟
مايا:مش باين يا على بقه يومين متسألش عليا هونت عليك يا على.
أنا:ما انتى عارفه اللى فيها يا روحى هو أنا مش حكيتلك اللى أنا موجود فيه بس علشان انتى روحى و مقدرش على زعلك ممكن نسهر النهارده سوى فى الشقه عندى.
مايا:إيه ده بجد ؟
أنا: طبعاً هو أنا عندى اغلى منك يعنى.
مايا:تسلملى يا بيبي هستناك ترن عليا بليل متتأخرش ها.
أنا: مقدرش أتأخر عليكى يا روحى يلا باى.
قفلت معاها و انا مبضون منها و شكى فيها عمال يزيد إشمعنا بترن دلوقتى فيه حاجه غريبه هى بتعملها ده غير رانيا اللى كانت متلجلجه اخر مره شوفتها هى و عوضين ايه العك الكتير ده بس لكن قسمتهم أولويات كالتالي
(١) أكسب المناقصة و أعرف الأيد اللى بتساعد عمى فى الشركه
(٢) احسم موضوع مايا ده و أخلص منه هو و موضوع شروق عايز اخلصها من عمى لإن دورها خلاص انتهى فى خطتى و قريب هتبقى كارت محروق.
(٣) ألاقى طريقه أقدر أرجع بيها البيت بعد الحركه اللى مضطر أنى أعملها فى الوقت الحالى.
وصلت الشركه واتجهت عادى جدا للقسم بتاعى حتى استاذ وجيه اليوم ده وزع الشغل علينا عادى جدا لكن وسط غياب شروق و محمود لكن أستاذ وجيه قال إنهم أخذوا إجازة مرضية.
عدى الوقت و أنا شغال بشكل عادي لدرجة ان لما أتأخر رنة جدى عليا أو حتى رنة شروق أو أى حد من العيله لكن للأسف مفيش.
فضل الموضوع ماشى بالشكل ده لغاية ما انتهى اليوم فى الشغل و لميت الحاجه اللى باخدها معايا البيت و لسه هخرج من الشركه لقيت تليفونى بيرن لقيت جدى اللى بيرن.
أنا: مساء الفل يا أبو السيد.
سيد بجمود:فينك يا على ؟
أنا: موجود يعنى هروح فين لسه هخرج من الشركه أهو بس غريبه مشوفتكش فى الشركه النهارده ؟
سيد بنبره حاده: تعالى على الفيلا يا على.
أنا: مالك يا جدى فيه حاجه ؟
سيد: لما تيجي هتعرف.
أنا: تمام يا جدى مسافة الطريق.
اسهل طريقة للربح الوفير بمجرد مشاهدة اعلانات
ادخل واربح يوميا 20 دولار اضغط على الصورة
كود التسجيل
43916904
.webp)
.webp)
0 التعليقات:
إرسال تعليق