المتمرد | السلسلة الأولي الجزء الخامس والعشرون

المتمرد | السلسلة الأولي الجزء الخامس والعشرون

ولاء: أيوه هى وايه علاقتها هى ليها واحده صاحبتها كانت بتقولى عليها من يومين إن نادر واخد ليها صور مش كويسه على تليفونه ف من هنا نقدر تقنع ندى و البنت دى تساعدنا ممكن نحكيلهم على موضوعنا و أهو احنا و هما مع بعض هنقدر عليهم.

​المتمرد | السلسلة الأولي الجزء الخامس والعشرون

بنت ايجيبت

أستاذ نسوانجي

عضو

نقاط1,100

Mar 3, 2025

#2

أنا: لأ اوعى تعملى كده ؟

ولاء: ليه بس ده حل سحرى.

أنا:هتشيلينا جميله ليه لما احنا ممكن نشيلهم احنا جميلة نحتاجها قدام.

ولاء: و ده ازاي بقه ؟

أنا: بصى انتى تحكيلها عنى و انى بفهم فى الهاكينج و كده و ان انتى ليكى عندى جميله و ممكن تخلينى اردها ليكى عن طريق إنى اساعدكم بكده انتى هتقربى منها اكتر و كمان أنا علاقتى تقوى مع ندى اللى هبدأ أقرب منها من النهاردة علشان لما تكلميها متكونش خايفه منى بل دى تقنع صاحبتها معاكى كمان ، بس ثانيه هو ازاى هى حكتلك حاجه زى دى على حد معلوماتى أن ندى ملهاش أصحاب كتير فى الشركه و إنكم مجرد معارف يعنى علاقتكم مش كويسه للدرجه دى.

ولاء:ده لإنى شفتها فى الحمام بتاع الشركه عماله تواسى فى صاحبتها و تقولها أنهم أكيد هيلاقوا حل و كنت أنا واقفه فى ضهرهم مأخدوش بالهم منى غير و أنا بقولهم مشكلة إيه اللى واقعين فيها ، فى الأول حاولوا يحوروا عليا طبعاً بس مع زنى عليهم عرفت اللى فيها.

أنا: أنا طول عمرى اسمع إن الزن أمر من السحر بالذات زن البنات 😂.

ولاء: مش جه بفايده علينا أهو عايز ايه التى بقه 😅.

أنا:ولا حاجه كده أشتغلى عادى الفتره الجايه و قربى من ندى و صاحبتها اكتر و اظن انتى أكيد عارفه أزاى.

ولاء:طب و الرقم اللى هيتحط فى الملف بتاعنا.

أنا:هنعمل ايه لازم نخلى عمى ينفذ اللى هو عايزه مش هقدر اقف قصاد نادر أو غيره دلوقتى.

ولاء: يعنى هتسيب الشركه تخسر المناقصه بعد كل اللى عملناه ده !!!

أنا: لأ طبعاً هنكسبها بس من غير ما نقف قصادهم احنا هنفاجئهم يوم النتيجه و حتى هندى قلم محترم ل نادر على وشه.

ولاء: ازاى يعنى ؟

أنا:ليا حد حبيبي فى اللجنه المسؤوله عن المشروع عرفت بالصدفة أنه موجود فيها فهخليه يظبط لينا هو موضوع الارقام و بكده نكون ضمنا إننا هناخد المناقصه و تشكك عمى فى نادر أو نشكك الراجل اللى بيديهم الأمر فيهم هما و بكده نلخمهم شويه و نشتغل مستريحين اكتر.

ولاء:طول عمرى أقول عليك دماغك ألماظات 😂😂.

أنا: أحنا مش قليلين برضه بس اكتر حاجه بسطتنى إن شروق محدش جه جنبها عمى عرف يفلت بيها و بنفسه من وش المدفع.

ولاء: البت مش مصدقه أنها عدت من الموضوع و إن الكلام اللى قولته ليها نفع مع عمك هو أه معرفش ياخد حقه منك بس عرف يستنفع من حته تانيه بأنه يكسب فلوس.

أنا:الحركه دى مستحيل تكون من عمى أنا واثق بنسبه كبيره إن فيه حد هو اللى قال ل عمى يعمل الحركه دى علشان يضرب العيله كلها فى بعض و محدش يبقى مركز و اديكى قولتى من شويه جدى منع عمى و اختك من وجودهم فى الشركه و اكيد منع مرات عمى كمان ده غير أبويا اللى هيبقى من المغضوب عليهم و عمتى و عيالها مش موجودين فى الشركه أصلا يبقى كده مش فاضل غير جدى اللى أكيد هيكون مشغول فى أنه يراضى ستى.

ولاء: أسكت ما حتى دى مش هيقدر يعملها.

أنا:وده ليه بقه ؟

ولاء:جدتك شكت فيه هو كمان ما عيالها الاتنين متجوزين على ستاتهم و اكيد مش هيجيبوه من بره يعنى.

أنا:احيه وجدى رد عليها قالها إيه ؟

ولاء:جدك أنكر الموضوع بشكل قطعى و حتى دب خناقه كبيره معاها هو كمان كانت علشانك فى الأول بعد كده الكلام وصل إنها اتهمته أنه أكيد متجوز عليها.

أنا: اوباااا الموضوع سخن جامد طيب و خلص على إيه الموضوع ده ؟

ولاء:عمتك اتدخلت و سلكت الخناقه الكلاميه اللى بين الاتنين لكن جدك واضح أنه مش صافى هو و جدتك او على الاقل جدتك اللى ناقمه على البيت كله و معتبره إن جدك هو السبب و أكيد هو اللى وصل ابوك و عمك لكده بصراحه البت شروق مخها دفتر مش عارفه ازاى قدرت تحفظ كل ده فى دماغها.

أنا: كاميرا على هيئة بني آدم 😂 ، بقولك إيه اقفلى دلوقتى ونتكلم بعدين اظن كده كل حاجه بقت واضحه كل اللى مطلوب منك تقربى من ندى و صاحبتها و شروق على نفس الخطه اللى كنا حاطينها البركة فى عمى عرف يظبطها تانى.

ولاء: يجعله دائما فى صالحنا كده 😂 ، اسيبك أنا علشان ارد على ندى سلام.

أنا: سلام يا ولاء.

روحت البيت و رنيت على مايا اللى اول ما رنيت عليها مفيش دقيقه و لقيت باب شقتى بيخبط فتحت ودخلتها و هى تجرى على جوه لإنها كانت لابسه قميص نوم ابن فاجره و مش جايه لابسه حاجه فوقيه.

قضيت الليله معاها و عملت معاها مسمار خلاها مش قادره تتحرك أخوك جامد برضه 😉😂 ، مرت الأيام و نفذنا اللى كنا مخططين ليه و فضلنا منتظرين النتيجه و أثناء إنتظارنا كانت العيله مولعه.

جدتى أصبحت مقاطعة جدى و يادوب بدأت تتكلم مع جدى اخر كام يوم قبل ظهور النتيجة و امى سابت الفيلا لأبويا و راحت على للفيلا الخاصه بعائلتها و أبويا بيحاول يرجعها علشان يرضى جدتى اللى غضبت عليه هو وأخوه وأبوه و عمتى بعدت عيالها خالص عن العيله الفتره دى و كانت هى بس اللى بتروح الفيلا علشان تحاول تصلح الدنيا بين ابوها و أمها.

أنا بقه فضلت موجود فى شقتى و بتعامل عادى و مش بحاول اكلم حد من العيله علشان اللى مراقبنى ميحسش إنى بشتغله والدنيا تبوظ و تفرط منى لإن أنا توعدت العيله فى ساعة عصبية و أصلا بسبب الموضوع ده أنا و جدى فضلنا مده طويله مش بنتكلم مع بعض أصلا و ده كان مؤثر عليا عمر جدى ما قاطعنى.

بالنسبه للعريس اللى كان جاى يتقدم لملك ف الموضوع اتأجل لفترة محترمه نظراً للظروف بتاعة العيله خصوصاً إن جدى نزل يتعامل من الشركه لغاية ما رسى على أبويا أنه يكون رئيس مجلس الاداره ف عقله كان مشغول بحاجات كتيره لفتره كبيره فى وقت هو كان مستريح قبله.

عدت الايام و وصلنا ل يوم النتيجه و ده اليوم اللى مش بس هعرف فيه النتيجه ده أنا هعرف فيه كمان مين الراجل اللى بيدى الاوامر لعمى و نادر لإن مع مرور الوقت بقيت واثق إن دى مش تحركات الاتنين الاغبيه دول.

( عوده من الفلاش باك )

على:ها يا بنتى طمنينى ايه النتيجه ؟

ندى: الشركه كسبت المناقصه يا على.

على:بتتكلمى جد يااااااااه مش هتقدرى تتخيلى أنا مبسوط قد أيه بالخبر ده دلوقتي 😂❤️.

ندى: مبسوطة إنك مبسوط يا على ، بقولك هتعملنا الموضوع اللى اتفقنا عليه النهارده ؟

على:وقت ما تكونوا جاهزين رنى عليا هفهم إن ولاء دخلت تناديله من جوه و بعد ما يخرج خلى صاحبتك تاخد التليفون من على مكتبه هكون انا جهزت علشان ابعت اللينك على الرقم بتاعه اللى هتمليهولى كل اللى عليكى انك تعمليه دوسى علي اللينك و الباقى عندى أنا.

ندى:مش عارفة أشكرك إزاي يا على بجد انت حد لطيف أوى انك بتساعدنا بالرغم من انك عارف ان صاحبتى غلطانه و من غير مقابل.

على: لا شكر على واجب يكفى أنها تبعك و تبع ولاء.

عدى من الوقت ساعه بالظبط ولقيت تليفونى بيرن و ندى اللى بتكلمنى جهزت الدنيا و بدأنا فى الموضوع و مش معانا بأفضل شكل ممكن لإن ولاء قدرت تاخده مكتب جدى علشان يشكره على موضوع النتيجة اللى هو اساسا كان مفكر إننا هنخسرها.

بعد ما شيلت الصور اللى تخص صاحبة ندى و اتأكدت إن الموضوع خلاص خلص و هو معهوش نسخ تانيه رنيت على ندى طمنتها بعدين لقيت ولاء بترن عليا ف ركبت سماعه علشان اكلمها منها.

ولاء:طمنى عرفت مين اللى ورى الموضوع ؟

على:لسه هبص يا ولاء اصبرى ثوانى.

بدا على يبحث فى الشات بتاع الواتس و لقى الراجل المطلوب بس الراجل نفسه شخصيته كانت صدمه بالنسبه ليه ازاى يعمل كده و ليه ؟

ده اللى هنعرفه الجزء الجاى من سلسلة المتمرد متحمس اعرف رأيكم فى الجزء ده عارف انى أخدت وقت طويل بس حقيقى غصب عنى وكنت هنزل امبارح بس اللى حصل بقى يلا اتمنى يكون الجزء على قدر تطلعاتكم سلام 👋🏻.

🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🚨🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔🔔

أهلا وسهلا بكم روادى المنتدى جميعاً فى الجزء التامن من قصة المتمرد ، حابب أوصل سلامى لكل رواد المنتدى بشكل عام و متابعى القصه بشكل خاص و أتمنى للجميع دوام الصحه والعافيه.

الفصل الثامن

ولاء:طمنى عرفت مين اللى ورى الموضوع ؟

على:لسه هبص يا ولاء اصبرى ثوانى.

بدأ على يبحث فى الشات بتاع الواتس و لقى الشخصيه اللى كانت سبب فى اللى بيحصل للشركه ده كله بس الموضوع كان صادم ل على لإن الشخصيه كانت خاله عاصم فريد محمد الرفاعي.

على: ولاء اقفلى دلوقتى و هكلمك بعدين.

ولاء مستغربه:ليه يا على ؟ حصل حاجه ؟ طلع مين أصلا ؟

على: بعدين هفهمك يا ولاء عندى شغل مع أستاذه هدى دلوقتى و مش هقدر اتكلم.

ولاء: مع أنى مش مقتنعه بس تمام يا على اللى تشوفه.

انتهت المكالمه بين ولاء و على لكن منتهاش معاها تفكير الأتنين على بدأ يفكر هيتعامل أزاى خصوصاً إن الموضوع واضح إنه عائلى و ده كان عكس توقعاته تماماً و ده خلاه يقفل مع ولاء من غير ما يتكلم علشان يقدر يفكر كويس و يحسب للموضوع صح.

على كان يومه مع هدى فى الشغل الإدارى (تخليص إجراءات فى المحكمه) شبه خلص و اتجهوا بعدها للشركه يكملوا شغلهم استأذنها على أنه يدخل لمكتب رئيس مجلس الاداره و يرجع مره تانيه و هى سمحت ليه بدون ما تسأل عن السبب.

أتجه على ناحية المكتب المطلوب و هو عمال يفكر يا ترى الخطوه اللى هياخدها هى صح ولا غلط ؟ هل فعلاً ده حله الوحيد و أنه خلاص معدش ينفع يكمل بالشكل ده ؟ التجربه هى الخيار الوحيد علشان يعرف و هو قرر يدخل التجربه و يا صابت يا خابت.

الناحيه التانيه عند ولاء ف دماغها سرحت فى على و سر اختلاف نبرته فى الكلام و أنه قفل معاها علطول من غير حتى ما يقولها مين طلع اودامه.

ولاء لما دخلت الحدوته الكبيره بتاعة على مكنتش مقتنعه بيها هى كانت شايفه على شاب طايش عايز يخرب بيت عمه و يخلق بينه و بين مراته و عياله خناقه وقت ما الموضوع يتعرف خصوصاً إن على مقالش حاجه نهائى عن السبب اللى مخليه عايز يعمل ده ، هو كان مفهمهم إن الشركه بتقع و هو عايز ينقذها علشان كده كانوا مستغربين اقتراحه من جواز شروق من عمه.

طيب وافقت ليه ؟ يومها رغم اعتراض ولاء الكبير على كلام على و محاولتها أنها تسحب أختها من الموضوع إلا إنها فشلت بعد ما على كتب ليها وصل أمانه بمبلغ مليون جنيه يتصرف فى حالة إذا شروق طلعت من الموضوع ده زى ما دخلته.

اللى خلاها تلين للموضوع المستوى المعيشي بتاعهم اللى هيتحسن بعد ما كانت عاطله و الشباب الصايعه و العربجيه بيتعرضولها و هى رايحه جايه فى المنطقه هيبقى عندهم عماره وعدهم على نفسه إن عمه هيكتبها ب أسم شروق و غير كده ولاء هتشتغل و تشيل مع أبوها الحمل اللى تقل عليه بشكل كبير خصوصاً إن أغلب اخواتها بنات مفيش غير ولد واحد و ده مراته عرفت تبلف دماغه و خلته يقاطع أبوه و أمه أصلا ف على بالنسبه ليهم وقتها كان زى القشه يا يتعلقوا بيها و حالتهم تتحسن يا يتعلقوا بيها و تتكسر و وقتها هيغرقوا اكتر ما هما غرقانين.

مع مرور الوقت بدأت نظرة ولاء ل على تتغير خصوصاً لما كان بيتكلم معاهم و يحاول يتطمن عليهم بشكل مستمر مهتم بصحة والدتها اللى كانت تعبانه بسبب السكر و وقفته جنبهم لما أبوها مديره اتلككله و خرجه من شغله ف قدر هو يجيبله شغل بمرتب كويس فى شركة صاحبه اللى شغال فيها ببساطه على مع الوقت قدر يمحى صورة الفتى الطائش اللى هى كانت شايفاه بيها.

مع الوقت بدون ما تحس ولاء انجذبت لعلى و اتحول الانجذاب لحب و بقت بتخاف عليه لاحظ الموضوع ده شروق اللى كانت شايفه فيه تغيير فى أختها اللى أصبحت على غير العاده بتتناقش و تتكلم مع على عادى بعد ما كانت دائماً بتقول ل شروق أنهم هيطلعوا من الموضوع اسوء من ما دخلوه لكن دلوقتي ولاء بتحاول تعرف عن على أكتر من شروق و ده اللى خلى شروق تفهم إن ولاء بدأت تعجب ب على و صارحت ولاء بالموضوع و ولاء اعترفت ليها ب ده بعد شوية استنكار من ولاء فى الأول.

شروق زيها زى أى أخت طبيعيه تحب الخير لأخواتها ف نصحت أختها ب بلاش على ده طريقه مليان مشاكل إحنا وصلنا للى عايزينه خلينا أصحاب و أخوات احسن لكن ولاء مقدرتش.

أتصلت ولاء على أختها شروق لعل و عسى تفهمها هى فيه إيه او يجوز يكون على قالها هى مين الشخص ده.

ولاء: أزيك يا شروق عامله ايه يا حبيبتي ؟

شروق: بخير يا ولاء أنتى أخبارك ايه ؟

ولاء بتوتر واضح: بخير يا شروق بس قلقانه و أتصلت بيكى على أمل أنك تطمنينى بدل التوتر اللى أنا فيه ده.

شروق:مالك يا ولاء إيه اللى مقلقك جامد أوى كده ؟ حصلت حاجه فى الشركه ؟

ولاء: بالعكس الشركه بقالها فتره هاديه من ساعة مشكلتك الأخيره.

شروق:أومال فيه إيه احكيلى ؟

ولاء:كنت بتكلم مع على في التليفون و بنشوف مين اللى خلى جوزك يتنيل يعمل اللى بيعمله.

شروق بحماس : وه و طلع مين ها مين مين ؟

ولاء:ما هو ده اللى موترنى يا هبله أنى معرفش مين مرضيش يقولى نبرته اتغيرت أول ما شاف الإسم و خلانى أقفل معاه.

شروق:طب و أنتى إيه اللى موترك دلوقتى ؟

ولاء: خايفه يا شروق خايفه يكون الحد ده خطر و يضره أو يأذيه.

شروق: هو ده حد يقدر عليه ياختى ده جن مصور 😂.

ولاء بنبره أقرب للبكاء: أنا بقولك إيه و انتى بتقولى إيه يا شروق ، صدقى أنا غلطانه أنى كلمتك.

شروق بنبره هاديه: ولاء أنتى ليه عامله فى نفسك كده ؟ يا ولاء أنا قولتلك اكتر من مره أنسى مشاعرك دى ناحيته ، على طريقه معقرب و أديكى شايفه هو موجود وسط ناس عامله ازاي ؟ هل انتى تحبى تبقى موجوده في عيله بتاكل فى بعضها زى السمك.

ولاء:مش قادره يا شروق اتعلقت بيه و مش قادره أمنع مشاعرى ناحيته عارفه أنه موجود في عيله مش كويسه بس ما أحنا نفسنا عيشنا طفوله صعبه يا شروق ده مش ذنبه

أنه اتولد فى بيئه زى اللى هو فيها.

شروق:يا حبيبتي عارفه و لعلمك أنا بعتبره هو أخويا الكبير مش التانى اللى مراته ركبت دماغه و خلته يقاطع أخواته، حتى يوم ما رجع يتكلم كان علشان يعيش معانا فى العماره البيه طمعان فى أخته و لولا محايلة ابوكى و أمك أنا كنت طردته من العماره قبل ما يحط رجله فيها أصلا لكن على بيخاف عليا يوم الخناقه الأخيره لما عمه محمد كلمنى و هددنى أول حد جه فى بالى هو رغم أنكم في الشقه اللى تحتى ف أنا مش معارضه مشاعرك علشان على نفسه إنما خايفه عليكى من الحيتان اللى فى البيت ده يا ولاء.

ولاء بحزن :حيرتينى يا شروق أكتر ما أنا محتاره ، هو ليه الحب مليان عذاب كده 🥺 ؟