المتمرد | السلسلة الأولي الجزء الثامن والعشرون

المتمرد | السلسلة الأولي الجزء الثامن والعشرون

أنا و الدموع فى عينى:طب بس متقوليش على نفسك حيوانه الحيوان الوحيد هنا هو أنا يا منى مش انتى ، الحيوان مش بيشوف غير نفسه و أنا كنت كده مش شايف غير نفسى و ناسى الجوهره اللى اتمن عليا بيها انتى ملاكى الحارس و رغم كده عمرى ما عاملتك على انك كده حقك عليا و شوفى انت عايزه إيه و أنا اعملهولك بدون تردد بس متبقيش زعلانه منى لإنك يا منى الشخص الوحيد اللى ميستحقش أنة ازعله اوعى أشوف دموعك دى على وشك تانى.

المتمرد | السلسلة الأولي الجزء الثامن والعشرون

منى هديت شويه و رجعت تتكلم بس بصوت أوضح و أهدى

منى:يعنى انت عارف انك غلطان أهو يا بارد معقوله تقسى عليا أنا يا على ده انت دائماً تقولى انتى اختى اللى مجابتهاش امى و أنا طول عمرى بعتبرك أخويا اللى مجاش الدنيا.

أنا: وعلشان كده ميهونش عليا اسيبك زعلانه اطلبى و أتمنى و أنا احققلك فيه يا أحلى اخت فى الدنيا دى كلها **** ما يحرمنى من حبك و حنانك عليا ، ولا أقولك استنى لما أخرج من المكتب هنقعد نتكلم سوى من زمان وحشنى الكلام معاكى فى هدوء و احنا بنتفرج على فيلم و بناكل فشار خلينا نسهر سوى النهارده ايه رأيك ؟

منى: يعنى مش هتطلع تجرى زى المره اللى فاتت ؟ أنا عارفه انكم لما بتتجمعوا فى المكتب بيكون فيه مصيبه.

أنا بضحك:صدقى عندك حق 😅😂 الأوضه دى شهدت على اغلب الخناقات التاريخيه لهذه الأسره ، بس لا متقلقيش مادام وعدتك يبقى هنفذ انا عمرى وعدتك بحاجه و منفذتش ؟

منى:عايز الصراحه فى وعد واحد لغاية دلوقتى لسه متنفذش.

أنا: وعد إيه ده بقه ؟

منى:حقك يا على لغاية دلوقتى الكل فاهم الحقيقه المزيفه اللى اتكتب عليك التعاسه بسببها.

أنا بهدوء:حقك عليا أنا أسف ، بقولك إيه نتكلم لما أخرج كمان علشان ملك جايه ورايا و مش عايزها تشوفك فى حضنى أخاف نتحسد يا جميل 😉😂.

منى بكسوف:نتحسد إيه يلا ده أنا بلبس الشغل حتى.

أنا: لأ لأ معلش أنا اختى هى اللى يتحلى الهدوم مش العكس ده أنا لولا أنك أختى التانيه كنت اتجوزتك دلوقتى قبل ما حد يخطفك يا عسليه انتى 😉.

منى:بجد أنا حلوه يا على ؟

أنا: انتى أجمل من أن يتم وصفك بالكلام يا منى انتى ملبسايه بسكوتايه حلوه من كل النواحي و الزوايا.

منى بأسلوب طفولى:طب يلا بدل ما ستى تيجى تضربنى أنا و انت لو شافتنا كده و أنا مش قدها 😅.

أنا:خايفه على نفسك بس يا جبانه 😂.

صوت ملك قطع ضحكنا من ورا ضهرى و هى بتقول

ملك بغيظ: مش يلا بقه ولا الجماعه هيفضلوا مستنيينك انت و النحنوحه.

أنا بصوت هادى و أنا حاضن منى:تقدرى تدخلى و أنا جاى وراكى كده كده يعنى هروح فين يعنى .

ملك: أنا قلت افكرك علشان احنا مش فاضيين أصلا احنا سايبين مشاغلنا علشان خاطرك.

أنا:جاى وراكى كده كده اتفضلى اسبقينى.

دخلت ملك و قفلت الباب و أنا بصيت ل منى اللى وشها بان عليه الضيق.

أنا وماسك منى من كتفها: بقولك إيه سيبك من كلامها واضح أنها متغاظه منك يا عسليه ، أنا هدخل تكونى جهزتى الدنيا لما أخرج نقعد سوى فى الملحق ها سلام يا قلب اخوكى.

اتجهت للمكتب اللى دى تقريباً أول مره هدخله لسبب غير انى اتخانق جوه المهم يعنى دخلت و كان المشهد كالتالي.

المكتب بتاع جدى و قدامه كرسيين

كنبتين جلد أسود ساندين على الحيطه ناحية اليمين

كنبتين جلد أسود ساندين على الحيطه ناحية الشمال

موجود على الكرسيين بتوع المكتب محمود و شمس و على الكرسى اللى ورى المكتب جدى سيد قاعد و باصص للباب اللى أنا لسه داخل منه.

على اليمين قاعد الرجاله بشكل عام أبويا و عمى محمد و جوز عمتى ميار و عاصم خالى والمفاجأة هى وجود شروق الموجوده جنب واحده قاعده جنب أبويا الظاهر إن الغريبه هى مراة أبويا، أما على اليسار قاعده عمتى و ملك و امى و اختى و مراة عمى و بناتها الاتنين و جدتى ريهام و وحماة شمس.

أول ما دخلت كنت حاسس الجو مليان بالتنشنه و اللى خلانى أحس ده اكتر نظرة القاعدين ليا اول ما دخلت حسيتهم عايزين يقوموا يمسكوا فيا ، غصب عنى و على عكس المفروض فلتت منى ضحكه جامده اول ما شفت مراة عمى و هى باصه بعنيها لشروق بعد ما عنيها كانت عليا.

جدى بصلى بعينه جامد بمعنى أسكت و أدخل أقف من غير صوت ، حبيت أخف التنشنه اللى فى الاوضه ف روحت قايل.

أنا:وصلنا قاعة المحكمه بتاعة العيله أهو 😅 و سيادة القاضي سيد النويري موجود اعذرنى على الضحكه اللى طلعتها من شويه بس كان غصب عنى و… 😂.

محدش ضحك طبعاً 😅 ف جدى قطع السكون الموجود اللى مفيهوش غير صوتى و الباقى تحسهم أصنام.

جدى: تعالى أقف قدام المكتب يا على و قول اللى عندك بخصوص الموضوع اللى كلمتنى فيه النهارده.

أنا:طيب علشان اللى ميعرفنيش أنا على محمود سيد النويري مجمع الناس دى كلها ليه بقه ؟ ده موضوع يطول شرحه لإن فيه أسباب كتير لكن أهمها حل الخلافات اللى بينا.

جدتى:و تفتكر الخلافات هتتحل و انت راكب دماغك و مش راضى تصالح ابن عمك و بنت عمتك ولا و انت منافقين زى ما قولت اخر مره احنا منافقين يا على ؟

أنا: عارفه يا ستى انتى أكتر حد هيفهمنى بخصوص كلمة منافقين النهارده عارفه ليه ؟ علشان انتى و أنا اتحطينا فى نفس الموقف أنا و انتى شوفنا نفس المشهد ، أنتى يا جدتى شوفتى ستى … يرحمها و جدى داخل عليكم بعروسه غيرها او خلينا نقول مرآة أب خطفت أب من بناته و خطفت سعادتكم و ضيعت السعاده اللى كانت المفروض تبقى موجوده فى شبابكم و الأكبر من ده كله ضيعت جدتى الكبيره نفسها.

جدى: كفايه يا على.

أنا:مش كفايه يا جدى أنا موجوع و عايز أطلع اللى جوايا من زمان و محدش حابب يسمعنى و جه الوقت اللى الكل مجبر فيه على ده ، أنت يا بابا أو اللى المفروض أقوله بابا تقدر تقولى امى دى قصرت معاك في ايه ؟ امى كانت تيجى عليا دائماً علشان ترضيك امى ياما ضحت بسعادتها على أمل أنك تكون مبسوط و فى الأخر 👏🏻👏🏻👏🏻 برافو رديت ليها الجميل ب إنك تتجوز عليها تجرحها و تكسر قلبها اللى كان مفتوح ليك انت بس بيسمعك انت بس دى عمرها ما وقفت فى صفى قصادك عمرها ما حاولت تعارضك علشان تحسسنى بالأمان احساس أن الأم تضم أبنها و تطلع بيه السماء بعد كل انجاز فى المدرسه انت نزعته منها من كتر قولك قدامها إن ده العادي و إن المفروض أى حد فى ظروفى يعمل كده.

ظروف إيه دى اللى أنا كنت فيها فكرك إن أنا فعلاً اتوفر ليا ظروف أنا كنت بهرب عند جدى هنا علشان ادخل فى حضن داده ابتسام اللى اعتبرتنى أبنها بجد و أخدت بدل الأم اللى انت سحبتها منى انت يوم ما اتجوزت تانى انت مطعنتش امى بس أنت حطمت حتى المبرر الوحيد اللى كنت بقول امى ماسكه فيك بسببه كنت دائما ابص ليها و هى بتضحك فى وشك اقول اهو على الأقل هى مبسوطه بدل ما كل الموجودين تعساء و مع الوقت اكتشفت أن أنا الوحيد اللى تعيس اختى انت بتعاملها أنها بنتك و أنا اللى باخد التهزيق و الاهانه و الضرب مع كل غلطه و التقليل مع كل انجاز عايزانى أحس ب إيه يا ستى ؟ عايزانى أحس أزاى و أنا شايف نفسى شخص ملوش قيمه مع أنى بعمل ٣٠٠% من اللى عليا ، أدخل حقوق دخلت حقوق امشى بره البيت مشيت اعتذر من شمس و محمود ادينى جاي النهارده اعتذر مطلوب منى إيه تانى ؟ أعمل إيه علشان ابقى مقبول و أحس أن باخد ولو واحد فى الميه من اللى استحقه.

سكت و صعبت عليا نفسى و سقطت الدموع من عينى دموع حبستها كتير أوى علشان مكنش ينفع اطلعها دموع كانت عامله زى اللهب على خدى بتحرقنى و تزيد من وجع قلبى اللى اتكوى كتير و خزن دموعه.

من غير ما أحس لقيت في أيد جايه بتحضنى من غير ما ابص ل دى مين كلبشت فيها و دخلت فى حضنها حضن استمر لوقت قصير كان كفيل أنى احس بنفسى ف خرجت من الحضن اللى دخلته و ببص مين قدامى و حاضنى كنت متوقع أنها امى لكن خاب املى المره دي كمان و طلع ملك اللى كانت حضنانى و الدموع نازله من عينيها هى كمان.

مسحت دموعى بسرعه و قلت بطريقه جديه و نبره خاليه من المشاعر إطلاقاً.

أنا: النهارده أنا جاى أصفى مشاكلى مع الناس ، أنا مش عايز حد يكون زعلان منى أو أكون شايل من حد و علشان كده جيت اعتذر من التلاته محمود و شمس و ملك و اى حد تانى حابب أنى أنا اعتذرله للسبب ده او غيره يتفضل أنا خلاص معدتش عايز أعيش بعيد أنا عايز أعيش جو الأسره اللى أتحركت منه سنين و مستعد ادفع تمن ده يا جدى.

بصيت ناحية جدى اللى كان واضح عليه التأثر هو وأغلب الموجودين حواليا تقريباً بس اللى كان واضح عليه التأثر بشكل جامد كانت شروق اللى عنيها احمرت من العياط.

جدى بهدوء:طيب و بناءاً عليه اتجمعنا النهارده علشان نحل المشاكل اللى بين على و اى حد من الموجودين فى الاوضه و طبعاً أبرزهم مشكلة شمس و محمود و ملك و على اللى حصلت من ٤ سنين ، حابين التصالح يا شباب ؟

جدتى:هيتصالحوا ده أكيد.

جدى:بعد أذنك يا ريهام أستنى أنا بسألهم هما ، موافقين على التصالح يا شباب ؟

ملك: أنا موافقه يا جدى و من غير أى شروط يكفى أن نرجع عيله تانى نخاف على بعض و نحب بعض.

جدتى:قلب تيتا من جوه تعالى فى حضنى.

شمس: أنا موافقه يا جدى برضه و من غير أى شروط أنا يكفينى أنه حس بغلطه و إن الكل شاف و عرف إنى مكنتش غلطانه.

جدى: و أنت يا محمود ؟ مش ناوي ترمى الخلافات على جنب و تحط إيدك فى أيد أخوك الصغير.

محمود:يعنى أنا اللى هطلع وحش فى الأخر يا جدى ، و أنا كمان مسامح من غير شروط يا جدى على أخويا و يكفى أنه عايز يصالحنى دى عندى كبيره و الناس كمان بقت عارفه انى برئ و انى مش الشخص اللى غلط.

جدى: و انتى يا ميار ؟ مسامحه ابن اخوكى ؟

ميار:مفيش زعل بين الأم وابنها يا بابا و على قبل ما يكون إبن أخويا ف هو ابنى اللى مخلفتوش تعالى فى حضن عمتك يا ولا.

أنا:خش فى حضن اخوك يا فواز 🫂😂.

دخلت فى حضن عمتى و بجد إحساس أن الواحد عنده مشكله كبيره تتحل حاجه فى منتهى العظمه بالذات لو مع ناس بيحبهم و عمتى هى فى أول قائمة الناس اللى بحبها و بحترمها.

بدأ جدى يسرد مشكله ورى الثانيه وبعد نهاية مشاكلى مع الموجودين عمى محمد بخصوص شروق و شمس و محمود ف سلكت نفسى و خرجت بصراحه مكنتش حابب أبقى موجود فى موضوع أبويا و امى حبيت الموضوع ده يحله جدى.