المتمرد | السلسلة الأولي الجزء السادس والثلاثون

المتمرد | السلسلة الأولي الجزء السادس والثلاثون

أنا: بقولك إيه أنا مش قاعد فى كُتاب هنا 😂 انجزينى خلينى أجهز و امشى علشان متأخرش بعدين ما أنتى عارفانى فقرى مليش فى الشمال أصلا 😅.

المتمرد | السلسلة الأولي الجزء السادس والثلاثون

منى:طيب توعدنى متتأخرش هناك و تيجى بدرى علشان نسهر سوى.

أنا:ما بلاش الكلام اللى يخليكى تسيبينى و تطلعى تجرى زى المره اللى فاتت ده 😂.

منى: لأ بتكلم جد المره دى عايزين نسهر سوى نتفرج على فيلم حلو قبل ما تسافر.

أنا:وماله نقعد ينفع بقه تسيبينى أجهز و اروح ميعادى علشان ألحق أرجع أقعد معاكى.

منى: خلاص إذا كان كده ماشي.

خرجت الجميله منى و مشيت من الاوضه و مشيت معاها ابتسامتى هى عندها القدره بمجرد ما أشوفها تخلينى مبتسم لكن هى الحياه كده مش دايمه على حال المهم أخدت دوش و اتشيكت و استعديت إن امشى لقيت الباب بيخبط تانى روحت فتحت الباب من غير ما ابص مين بره و دخلت.

أنا: لحقتى غيرتى رأيك ده أنتى لسه ماشيه مكملتيش ربع ساعه.

جدى:و يا ترى مين دى بقه اللى كانت عندك و كانت بتعمل ايه هنا.

أنا:جدى!!! خضتنى يا حاج سيد ينفع كده 😄.

جدى:حد قالك تفتح الباب و تجرى!! .

أنا:مستعجل يا حجوج علشان خارج و بحط اللمسات الاخيره زى ما أنت شايف و عموماً اللى كانت هنا منى بنت داده ابتسام … يسميها بالخير.

جدى:طيب سيبك من الخروجه دى و تعالى نقعد نتكلم عايزك فى حاجه مهمه.

أنا:هو إيه الحكايه انتوا متفقين عليا ولا إيه 😂.

جدى: إيه ده فيه إيه.

أنا: أصل منى برضه كانت عايزانى أقعد و مخرجش مش عارف إيه الميعاد المنظور ده 😂.

جدى: أنت رايح تقابل مين أصلا ؟

أنا:رايح أقابل واحد معرفه.

جدى:واحد ولا واحده يا نمس أنت 😉.

أنا: بصراحه يعنى واحده بس متفهمش غلط أنت كمان دى مجرد صديقه و أنا مفيش أى مشاعر بينى و بينها حاكم أنا عارفك يا جدى 😅.

جدى:بشوقك بس أعرف أن أنا نفسى أشوفك سعيد و معاك اللى تستاهلك و تبدأ تقولك رايح فين و جاى منين و تخرج بإذن و ترجع بإذن 😂.

أنا: إيه ياعم هو أنا هتجوز أمين شرطه 😂 ، بعدين عيب عليك حفيدك رجوله و مجدع ميحصلش معاه الكلام ده.

جدى:بكره يحصل و نتفرج كلنا 😂 ساعتها نقدر نحكم ، المهم مشوارك ده تخلصه بدرى و تجيلى علشان هنتكلم فى حاجه مهمه.

أنا: تمام يا حاج حاضر ، تؤمرنى بحاجه تانيه.

جدى: لأ سلامتك يا على.

خرجت لأوبر اللى كان مستنينى بره علشان ابدأ اتجه للمكان المحدد لكن للأسف وصلت متأخر ، المهم دخلت الكافيه اللى كان شكله بيقول أنه متكلف و مش أى حد بيقعد فيه مكان مستواه عالى يعنى مش أى كلام بس كان جديد عليا أول مره أروح الكافيه ده ، المهم بدأت أدور بعينى بين الموجودين لغاية ما لقيت بنت داخله عليا بتقولى

بنت: أقدر أساعدك في حاجه يا فندم.

أنا:فى الحقيقه أنا المفروض عندى ميعاد مع شخص هنا بس مش لاقى الترابيزه.

بنت:طيب الحجز بإسم مين يا فندم ؟

أنا:حجز ؟ أممم بإسم ولاء هانى المحمدي.

بنت: أممم ترابيزه ٣ يا فندم.

أنا:اللى هى فين بقه علشان أنا جديد هنا 😅.

بنت:هناك أهو يا فندم ↖️.

أشارت لترابيزه موجوده فى مكان مكان هادى من الكافيه و ببص بعينى وقتها لقيت واحده يمكن تقريباً أول مره اشوفها معقوله دى ولاء يخربيت جمال أمك كانت جميله بشكل غير عادى لابسه فستان أسود على بشرتها البيضاء مخليها حاجه ١٣ لأ ١٣ إيه دى أكيد ١٧ أو يمكن اكتر ، بدأت أتحرك ناحية الترابيزه و هى أخدت بالها منى و بقت بصالى فى عيونى و أنا رايحلها و عنيها مفارقتنيش غير بعد ما قعدت.

أنا: أزيك يا ولاء ، مش ولاء برضه ؟

ولاء بكسوف: أيوه يا على أنت أول مره تشوفني ولا ايه.

أنا: بصراحه هى فعلاً أول مره أصل اللى أنا شايفه ده حاجه ملهاش زى تقريباً ده انتى حته من النجوم اللى فى السماء و موجوده معانا على الأرض.

ولاء بكسوف أكتر:بس بقه متكسفنيش.

أنا:تعرفى أن شكلك حلو أوى و أنتى مكسوفه كده.

ولاء:يوووه قولتلك متكسفنيش بقه.

أنا:خلاص يا ستى خلاص انتى بس شكلك الجديد اخدنى.

ولاء: المهم الأول خلينا نتغدى سوى.

أنا:بما إنك دخلتى فى الجد بقه ف مبدئياً أى حاجه تخص قعدتنا النهارده دى عليا تمام ؟ علشان بس الكلام يبقى واضح من الأول.

ولاء:بس ده مش عدل أنا اللى عازماك أصلا و قايلالك تيجى.

أنا: أحلى مجيه عليا النعمه 😉😂 ، أنا مش معترض انك اللى عازمانى أنتى كده كده عازمانى بس أنا اللى هدفع برضه يا كده يا نقوم نمشى 😅.

ولاء:لأ نمشى فين أنت ما صدقت خلاص يا سيدى عليك أنت مادام حابب الغرامه لنفسك.

أنا:ملكيش دعوه انتى ، شوفى حابه تطلبى ايه خلي النادل اللى واقفه باصالنا و مستنيه دى عنيها ترتاح شويه 😅.

ولاء:طيب أنا هطلب ……… و معاه عصير مانجو.

أنا: تمام و أنا هطلب ……… و معاه عصير افوكادو ، لو سمحتى يا استاذه.

البنت:هتطلبوا إيه يا فندم ؟

أنا: شوفى الانسه الأول.

طلبنا الحاجه اللى هناكلها و فضلنا مستيينها و احنا قاعدين بنتكلم.

أنا: العيله الكريمه عامله إيه و البت شروق إيش أحوالها هى كمان ؟

ولاء: الكل كويس نحمده ، انت إيه أخبارك و أخبار العيله ؟

أنا: أهو بناكل فى بعض زى السمك كالعاده 😅.

ولاء:ليه حصل إيه تانى ؟

أنا:أبدا اليومين دول محمود عامل قلق بسبب إنه حاسس إن علاقتى مع اللى حواليا فى تحسن.

ولاء:طيب و ده يضره فى إيه ؟

أنا:ده كده أنا بديه القاضيه انتى بتهزى.

ولاء:طيب وأنت عايز تنتقم منه بالشكل ده يعني ؟

أنا: لأ أنا بس حابب اخليه يحس ولو بجزء من اللى حسيته و عموما نهاية الموضوع قرب خلاص.

ولاء: أزاى يعنى ؟

أنا:بصى محمود و شمس مش سهلين خصوصاً شمس أنا عارف أنها مش حاسه بالأمان من ناحيتى بس مش عايزه تيجى من عندها علشان

متبقاش هى الجزء السئ فى القصه و هتحاول تخلى محمود يعمل ده هو كمان.

ولاء: طيب ما كده أنت تبقى اتضريت لإنهم هيبقى شكلهم كويس قدام العيله و بالتبعيه وضعهم يرجع أفضل.

أنا: فيه إيه أنا كنت بقول عليكى ذكيه مالك شروق بهتت عليكى ولا إيه 😂.

ولاء:باينلها كده 😅.

أنا: طيب ركزى كده و اعقليها علشان يحسسوا العيله أنهم صافيين هيعملوا إيه ؟ هيقربوا منى صح ؟ أكيد صح و هنا تيجى فرصتى بقه أزاى ؟ أنت مش سالتينى ازاى أنا هقولك أزاى 😂.

محمود و شمس 100% لسه مع بعض بل ومش بعيد يكونوا بقوا افجر من الأول و علشان محمود مش عايز حد يكون منافس ليه فى العيله ف هيعوز يتخلص منى أزاى بقه ؟ عن طريق أن يخلى شمس تحاول تخلينى أنام معاها و ساعتها يعمل نفس الحركه تانى.

ولاء:بس أعذرنى أنت فيه نقط مسقطها منها أن ليه شمس هترضى ب ده أصلا ؟ و السؤال التاني ليه أنت جزمت أنه هيعمل ده بالطريقه دى ؟

أنا: سؤالين فى الجول بصى يا ولاء المثل بيقول نص العمى ولا العمى كله و شمس جوزها للأسف مش قادر يراعيها علشان كده هى بتستمد احتياجها من محمود اللى هو شايف كده أنه رجوله و جامد و فتك و قدر بإمكانياته يخلى واحده زى شمس تحته بل و يتحكم فيها و هو بالفعل بيتحكم فيها بس مش علشان فتك أو جامد لأ ده علشان هى عارفه أن ده أكتر خيار آمن ليها ف مش راضيه تسيبه.

بالنسبه لسؤالك التانى بقه ف ليه محمود هيستعمل الطريقه دى ببساطه لإنه لا يمتلك غيرها أولا لو هنقول أنه هيرميلى بودره أو حشيش أو أى بلاء أزرق ف محدش هيصدق لإن أنا حتى الشاى مش بشربه ما بالك بماده مخدره بقه الموضوع هيبقى صعب لكن أن أحاول مع شمس تانى أسهل أنه يتصدق ليه ؟ علشان العرق يمد لسابع جد أو اللى فيه داء ميبطلوش أبدا ف السيناريو ده يبيع أكتر و أنا دورى بقه إن أستغل السيناريو اللى هو هيشتغل عليه ده عن طريق أن اخليه هو اللى مع شمس وقتها.

ولاء:و دى هتعملها أزاى ؟

أنا: تقريباً دى أسهل خطوه ، محمود مشكلته أنه مستعجل و أنا ميزتى إن بحب أكون تقيل مجريش ورى أى طعم يترمى ف أنا همارس العادى بتاعى التقل فى الأول بس بعدين أبين أنى بستجيب لمحاولات شمس بس بحذر ساعتها هو هيكون مركز أوى فى أن الموضوع يخلص بسرعه ف هتلاقيه بيكلم شمس كتير فى الموضوع و هنا تيجى بقه لعبتى الجاسوس بتاعى اللى هيراقب ليا مكالماتهم و لو واحده منهم اتلقط فيها الكلام هجيبها و اهددهم بيها.

ولاء:طيب وتهددهم بيها ليه لما ممكن تسمعها للعيله علطول و تخلص.

أنا:متبقيش غشيمه ما أنا هقولهم إن أنا عرفت بالتسجيل بتاعهم بعد ما اتبعت ليا من رقم غريب بيقولى خلى بالك منهم و إن هما كده مش صافيين من ناحيتى بالرغم من اللى عملته محمود ساعتها هيحب يلعب على المكشوف و أنا هحب ده أوى و هستدرجه فى الكلام و اخليه يكر اللى حصل كر و بكده أكون ضربتهم ضربتين مش واحده.

ولاء وهى مصدومه:👏🏻👏🏻👏🏻👏🏻👏🏻👏🏻.

أنا: إيه يا بنتى أحنا قاعدين فى سيرك ولا ايه 😂.