المتمرد | السلسلة الأولي الجزء الثالث عشر

المتمرد | السلسلة الأولي الجزء الثالث عشر

على: من النهارده بقت كده اشمعنى أنا الكل جاى عليا مفيش غيرى الكل منتظر منه يعمل الأنسب ليهم حتى لو على حسابى مستنيين إنى اكون الافضل دائما مش بنى آدم أنا يعنى؟

المتمرد | السلسلة الأولي الجزء الثالث عشر

الشخصية: على انت فين ؟

على ببرود: و انتى مالك ؟ أما حاجه غريبه بصحيح هو انتى مش بتحسى بقولك بلاش رمى جتت.

الشخصية:على انت ليه بتحاول تبعدنى عنك لو علشان اللى بنعمله ف انت مش مجبر على ده وانت عارف يا على انى بحبك ليك انت يا على ولا يمكن اتخلى عنك مهما حصل ف ياريت تقولى انت فين متقطعش قلبى عليك.

على بهدوء: جاى على البيت هدخل شنطة هدومى الشقة.

الشخصية: ايه ده ايه ده انت مش المفروض عند جدك زى كل سنة؟

على بهدوء وبرودة أعصاب: لا ما خلاص هتبقى اخر سنه انا خلاص معدتش عايز أعرفهم تاني انا تعبت حقيقى تعبت و مش عاوز اكمل طظ فى محمود و طظ فى كريمه و طظ فى ليلى و طظ فى محمد هو و مراته اللى طالقين ابنهم عليا زى الكلب السعران و طظ فى محمود الكبير و طظ فى سالى و طظ فى ريهام بالعربى كده طظ فيهم كلهم انا خلاص جبت أخرى منهم و مش عاوز اثبت لحد حاجة مش هما شايفنى انانى انا بقه هوريهم الأنانية على حق.

الشخصية بتأثر واضح: وصلوك للدرجادى ؟ طب طب انت فاضلك قد ايه و توصل الشقة ؟

على: بالكتير ١٠ دقائق هكون هناك هرمى الحاجه فى الشقه و انزل.

الشخصية: طب اعمل حسابك انا هاجى معاك مكان ماتكون رجلى على رجلك هجهز على ما تيجى و هجهز عربيتى.

على: مفيش الكلام ده خليكى زى ما انتى انتى ناقصه نكد على النكد اللى عندك انتى كمان.

الشخصية: وانت فكرك هبقى مبسوطة و انت بعيد عنى و عارفه انك موجوع يا على انت بالنسبه ليا روحى تعرف أنا لولا انى متجوزه و حتى كبيره عنك مكنتش سبتك إلا أما اتجوزتك ، يا على انا من ساعة ما عرفتك و أنا لقيت شريك حياتى اللى بجد بعيداً حتى عن علاقة السرير اللى بينا ، انت لازم تفهم إن أنا فعلا شايفاك صاحبى و جوزى و أخويا و كل ما ليا انت الوحيد اللى بقدر افتح قلبى معاه اشكيله همى و انا واثقه انه كبير او صغير انت عندك القدرة انك تحله ليا أو حتى تنسيهولى ف ازاى بقه عايزنى اسيبك وانت مجروح.

على:مش عارف ارد عليكى اقول ايه انتى الوحيده اللى بتفهمينى و بتعرفى تريحينى.

الشخصية: علشان زى ما بقولك انت الحاجه الحلوه اللى لقيتها بعد سنين كنت مفكره إن الحياه رتيبه و ممله وبايخه لكن انت عرفتنى إن هى رتيبه و ممله لما تكون بعيده عن نصك التانى اللى بجد و اللى يلاقى نصه التانى و ميحاولش يحافظ عليه أو يفهمه يبقى يستاهل اللى يجراله.

على: بقيتى حكيمه مره واحده و بتقولى حكم.

الشخصية: منك نتعلم يا لولى.

على: أجهزى على ما اجيلك أنا خلاص قربت اوصل قدامى دقائق معدودة على أصابع اليد.

الشخصية: وانت فكرك أنا بكلمك وأنا ماسكه الفون😂 ، انا فاتحه السبيكر و مطلعه فستان مفاجأة هيخليك تنسى نفسك مش بس تنسى همومك.

على:شاكلك ناويه على نيه مش حلوه النهارده بقولك ايه انا مش قدك مش معنى أنى مشوفتكيش بقالى مده تعملى كده فيا😅.

الشخصية: ده أنا هصفيك النهارده صبرك عليا انت بس😂.

على: طب سلام علشان أنا فى الطريق دلوقتى و المكالمه طولت وبدأنا ندخل فى تفاصيل تودى أبو زعبل 😅.

الشخصية:طيب أنا هستناك بالعربيه عند شارع ….. متتأخرش ،سلام يا قلبى👋🏻😂♥️.

(المكالمه تبان ليك قارئ الفصل العزيز أنها للكبار فقط و ازاى عمل ده و هو فى مواصلات بس لو لاحظت هتلاقى الموضوع من ناحية الشخصية الأنثوية بس على كلامه مكنش +18 حبيت بس أوضح للشخص اللى بيقرأ)

المكالمة هدت على كتير يمكن عشان هو لقى فى الشخصية اللى بيكلمها دى الصديق اللى عمره ما يتخلي عنه أبدا ، هى تعرف عنه أسرار عيلته نفسها متعرفهاش بالرغم من أنه عرفها من ٤ سنين بس ، صدق اللى قال إن العلاقات مش بالأعمار أحيانا بنقابل ناس فى حياتنا بنحس معاهم بالراحه اكتر من ناس معاشرينهم بقالنا زمن.

وصل على مدخل العماره و لقى عوضين قاعد بالجلبيه و بيشرب شيشة و جنبه مراته الست نجلاء هى ست من الريف طيبه بنت حلال زى ما بيقولوا غير كده بقه اخلاقها سمحه وياما طبخت و روقت الشقه ل على اينعم كانت بتاخد فلوس قصاد ده بس برضه الست نفسها معاملتها معاه حلوه غير أن عمرها أيدها ما اتمدت على حاجه و دائماً كانت شايفه على و مراعياه خصوصاً أنها مخلفتش ف كانت بتطلع الجزء الأمومى اللى عندها فى على.

على لما دخل من العمارة سلم على عوضين و على الست نجلاء ودار بينهم الحوار التالي

على: ازيك يا عم عوضين كيفك و كيف اخبارك عساك بخير انت و جماعتك ، وانتى ازيك يا ست نجلاء كيف أخبارك ؟

نجلاء:أنا بخير يا وليدى عامل ايه و كيف اخبارك انت و الجماعة بتاعتك ؟

على: أنا بخير و الجماعة بخير نحمده و نشكره ، طمنى عليك يا عم عوضين عساك بخير مردتش عليا لما سألتك حد مضايقك ازعلهواك ؟

عوضين: تعيش يا على يا ولدي أنا بخير و الجماعه فى البلد بخير ، خير وصلت بدرى المرة دي عن كل سنة المتر عايزك بدرى السنة دى ولا ايه ؟

على: لا مش القصه يا عم عوضين الصراحه بيني وبينك أنا قلقان على النتيجة السنادى ما انت عارف انها اخر سنه و على يدك مرواح و مجى كل يوم لما كعوب رجلى ورمت ده غير الشغل فى المكتب اخر سنتين و السنتين اللى قبلهم فى الشركه ١٢ ساعه من الليل للصبح و من الصبح لأخر النهار فى الكليه.

عوضين:يعينك و يقويك يا ولدى أنا عارف انك هتجيب امتياز كمان السنة دى وبكره تقول عوضين قال.

على: يسمع منك ياعم عوضين حقه لو حصلت ليك عندي حلاوه غير اللى فاتوا كلهم.

عوضين: لا وانت الصادق الحلاوة عندى أنى حد بياخد حلاوه من ابنه برضك و انت يعتبر ابنى اللى مخلفتوش.

على: يخليك ليا يا عم عوضين و ميحرمنيش منك انت و نجلاء ، عن اذنكم أنا هطلع فوق اطلع الشنطه دى و انزل علشان ورايا خروجه حلوه مع أصحابى.

عوضين: خروجه فيها حريم ولا ايه 😉 اصلك متشيك و على سنجة عشرة كيف ما بتقولوا.

على: لا لا مفيهاش حريم لأ 😅 القاعدة ناشفه زى المستشفى يا عم عوضين ادعيلنا ترزق بحاجة طريه بدل الشنبه اللى موجوده فى حياة الواحد بكثرة دى.

عوضين: علشان تروح فيها زى واد اخوى لا ده أنا ادعيلك تفضل ناشفه احسن😂.

(عوضين أصلا من الارياف و كانوا منطقه فقيره نسبياً علشان كده كان أغلبهم غير متعلمين و كان عوضين معاه اخين كمان منهم واحد له ابن اتاخد فى سكة المخدرات من بنت اتعرف عليها فى مكان شغله و بقى يتاجر فيها لحد ما اتمسك فى واحدة من العمليات)

على:قصدك تدعى علينا بقه 😂 ، عموماً ماشى ياعم عوضين مثيل الواحد يلاقى بنت الحلال اللى يباشر معاها حياته مع الجنس الآخر.

نجلاء: اما لو لك نيه تتقدم و تخطب ف أنا أقدر أجيب لك أجملها وأحلاها بنت فى المنطقة كلها بس انت شاور.

على: مش دلوقتي يا حاجه نجلاء لسه بدرى على الموضوع ده لما اشتغل و اقدر افتح بيت اديكى شايفه الظروف.

نجلاء: عارفه يا وليدى وعلشان كده بقولك لو ليك نيه.

على: تتيسر من عنده بس وساعتها نفكر فى الموضوع ده ، استأذنكم أنا أطلع أنا بقه.

على طلع و حط حاجته جوه شقته غسل وشه وظبط هدومه شرب مياه ساقعه علشان السليقه اللى الواحد موجود فيها دى😅 بعد كده نزل يقابل الشخصية اللى كانت بتتكلم معاه فى التليفون.

نزل على من شقته و سلم على عوضين و نجلاء و خرج من العمارة واتجه للمكان المحدد و بعد دقيقتين وصل وشاف عربيه Jeep سوداء اللون واقفه عرف أنها هي المطلوبة لانه ياما ركبها.

فتح على باب العربيه و لسه هيلف وشه و يرمى السلام لقاها قدامه و هى فى اعلى درجات جمالها شافها لابسه فستان اسود ب كم و سايبه شعرها الاسود نازل على كتافها مع بشرتها البيضاء وعيونها العسليه معرفش يقول غير

على: يخربيت امك يا مايا ايه اللى انتى عملاه ده.

مايا: وحش ولا ايه ده انا شارياه ليك مخصوص حتى مقولتش لحسن عليه.

(ايوه بالظبط دى مايا جارة على اللى فى الشقه اللى قصاده)

على: تقصدى وَحش مش وِحش ده أنا اللى وحش انى سبتك و مشيت يخربيت جمال امك.

مايا: فيه ايه ياعم انت اول مره تشوفني ولا ايه مالك متنح كده ليه بتكسف أنا خد بالك😅.

على:بس أنا لأ مع اللى زيك كده لا يمكن اتكسف أبداً.

مايا: تقصد انك لو لقيت واحده حلوه غيرى ممكن تروح لها و تسيبني.

على:هو أنا سايب النكد هناك علشان تيجى تنكدي عليا انتى كمان وبعدين هو فيه احلى منك يا جميل انت يا أبيض يا قمر.

مايا:كل بعقلي حلاوه كل ما انت علشان عارف انى مش بقدر ازعل منك ف بتحاول تبلفنى بكلمتين أنا عارفاك لكن المرادى لا أنا زعلانه.

على: مين المغفل اللى قالك كده بعدين حد يقدر يزعل القمر اللى قدامى ده برضه ، طب تصدقى أنى بحسد المرايه اللى عندك فى الاوضه بنت المحظوظه بتقدر تشوفك كل يوم و تسرح فى عيونك العسلية دى يا عسل.

مايا: بجد عاجباك عيونى ؟

على: عيونك دى ينطبق عليها اللى قاله امرؤ القيس ف أنا

رجلٌ وما استسلمتُ من قبل ل فارسٍ

مالى أمام أعينها مستسلم

أأعود منتصراً بكل معاركي

و أمام عينيها البريئة أهزمُ

يا ألف بيت بالفصيحِ أجدتُها

لكنى فى حبها اتلعثمُ

مايا: ياااه للدرجه دى بتحبهم.

على: ده أنا دايب فيهم دوب ، بقولك ايه احنا هنفضل هنا ولا ايه يلا من هنا دلوقتى.

مايا: يا فصيل ،هنروح على فين يا قلبى ؟

على فى الوقت ده حب يعمل حاجه مجنونه يهرب بيه من الخنقه اللى محاصراه فى كل حته ومفيش احسن من الجنان لما يكون مع شخص بتحبه.

على: قولتيلى حسن مسافر صح ؟

مايا: ايوه حتى مسافر بره البلد خالص.

على: تعالى نتجنن و اعملك حاجه جديده دلوقتى احنا الساعه ٣ أهى هنروح شارع …… اللى فى الزمالك نركن عربيتك هناك واخدك اعيشك احسن يوم فى حياتك.

مايا: هنروح على فين بعد كده ؟

على: خليها مفاجأة علشان تبقى احلى بس وعد هعيشك يوم تحلفى بيه.

اتحركت مايا بالعربيه ناحية المكان المطلوب و أثناء ما كانوا متجهين فضلوا يتكلموا و يتكلموا و يفتكروا فى ذكرياتهم وازاى وصل بيهم الحال من جيران لعشاق مراهقين في مرحلة الثانويه بيخطفوا نظرات و لمسات وفين وفين على ما بيقدروا يتجمعوا لوحدهم.

مايا: فاكر يا على اول مره اتقابلنا فيها ؟

على: وهى دى تتنسى انا عمرى ما انسى ابدا انطباعي الأول عنك كنت واخد عنك صورة وحشة أوى 😅.

مايا: أول مره تحكيلى الموضوع ده يا على و ياترى الانطباع ده مكمل معانا ؟

على:انتى شايفه ايه ؟ بقى أنا لسه من شويه قبل ما نتحرك بالعربية بقولك أمرؤ القيس و بقول شعر فى عينك الحلوين دول وانتى لسه بتسألى؟ ولا ده بحث عن غزل شكله يا جميل؟

مايا بلجلجه:حب سماع غزل بصراحه 😅 بحب اسمعك وانت عمال تتغزل فيا أوى علشان كده بنكشك كل شويه.

على: ما انا عارف يا قلبى بس مش كده يعنى😂 ، بعدين مالك بتتلجلجى كده أكنى هقوم أكلك مالك يا مايا.

مايا: خايفه يا على اخاف تبعد عنى زى ما كنت بتقول و ارجع تانى اكون موجوده فى السجن بتاع حسن ، حسن عودنى على عدم الأمان منه لإنه شخص بصباص غير إن الكلمة الحلوة منه بتطلع كل فين و فين و دائماً شايفنى وحشة و مقصره اخاف تشوفني زيه و تسيبنى وتمشى زى ما كنت عاوز من فتره انا مقدرش على فراقك انت بالذات.

على: وهو أنا زى حسن برضه يا مايا ؟ يا مايا انا يوم ما قلت عاوز نفترق كنت خايف عليكى مش كرهاً فيكى أنا من حبى فيكى حبيت ابعدك عني لإن حياتى زى ما انتى شايفه مليانه نكش من كل حته لكن أنا كمان مقدرش استغنى عنك و يمكن اكتر منك انتى نفسك.

مايا: ياااه للدرجادى بتحبنى ؟

على: الكلمات مش هتقدر توصف اللى عايز أقوله يا مايا.

مايا: اومال كنت بتقول انطباعك الاول وحش ليه.

على: انتى ناسيه أنا مشيت ليه من بيتنا يا مايا ولا حتى ناسيه اللى عملته معايا رانيا ؟ أنا عديت بكتير اوى و جيتى انتى اول مره بتدافعى عن واحده أنا شبه متأكد إنها كانت عاوزه تودينى فى داهيه عايزاني اشوفك شيخه يعنى😅.

مايا: ف دى معاك حق بصراحه 😅 بس سيبك انت انا اليوم اللى ببقى معاك فيه ببقى طائره من الفرحه.

على: انتى اليوم اللى بقضيه معاكى ببقى مش قادر أشيل عينى من عليكى يا بونبونايه انتى.

مايا بخجل: طب بس بقه متكسفنيش احسن بتوتر و أنا مش هعرف اسوق كويس و أنا متوترة.

على: لا وعلى ايه ركزى احسن بدل ما نروح فى ساعة توتر

بالفعل زى ما انت فهمت كده على قدر يجيب رانيا و مايا تحته ، عايز تعرف ازاى بقه تعالى معايا و سيبك من على ومايا دلوقتى خالص ، على أساسا رايح يفسحها تعالى خلينا تسيبه بقه و تعالى نتفسح احنا كمان بعجلة الزمن

اممممم خلينا نبدأ من هنا ولا اقولك استنى خلينى احكيلك زى ملخص عن أهم الأحداث اللي أدت لوصول على للنقطه دى و نبدأ من أول يوم ل على فى الشغل.

على اليوم ده حب ينام كويس الصبح علشان يبقى فايق و يفضل صاحى طول الليل كويس ، صحى على من نومه على صوت رنة تلفونه بص فى التليفون لقى اللى بيرن منى.

منى: ايه يا على ساعه على ما رديت عليا.

علي بصوت ناعس: مالك يا منى داخله عليا بخناق كده ليه مفيش سلام عليكم حتى.

منى: ايه ده انت نايم ليه دلوقتى مش عوايدك.

على: أبداً ده أنا عندى شغل بالليل النهارده اول يوم ادعيلى يمشي تمام.

منى:دعيالك كده كده و حتى ماما ب تدعيلك ده أنا بحسها بتحبك اكتر منى من كتر دعاها ليك.

على:يخليها ليا وميحرمنيش منها أبداً ، قوليلى كنتى بتتصلى ليه ؟

منى:هيكون ليه يعنى بتطمن عليك ده اول هام و تانى هام بتصل علشان أقولك خلى بالك و حرص من اللى حواليك المره اللى فاتت عدت لكن يا عالم لو فيها مره كمان هتعدى ولا لأ.

على:كله هيعدى بعدين هيحصلى ايه اكتر من اللى حصل معايا يعنى انا بفكر اخدها من قاصرها و أركز فى الكارير بتاعى اسهل و ابعد عن الوش بتاعهم ومش مهم أثبت حاجه لحد.

صوت: لا طبعاً انت لا يمكن تعمل كده و حتى لو انت عاوز كده أنا مش هسمحلك يا على بقه أنا ربيتك انك تسيب حقك.

على:داده ابتسام!! وحشتيني أوى معقوله مفيش رنة موبايل ولا حتى رساله ده أنا قلت انك بتتجاهلينى.

ابتسام: غصب عنى يا ابنى مش قادره أكلمك و انا حاسه انى زى العاجزه مش قادره اساعدك بحاجة.

على: ولا تزعلى ولا تشيلى هم يا داده اراهنك انها شوية وقت و ماما هتجبرهم أنهم يحاولوا يرجعونى هى أه حبها لأبويا مخليها ضعيفه قدامه بس اكيد بتحبنى وهتحاول تقنعه.

ابتسام: أكيد يا على امك هتحاول ، نسيبك احنا بقه علشان تجهز لشغلك خلى بالك من نفسك يا على و متثقش في أى حد بسهوله خليك مفتح.

على:تمام يا ماما ابتسام.

قفل الطرفين الخط و قام على بدأ يجهز نفسه عشان ينزل يروح الشركه و يبدأ يومه زى أى موظف في شركة أمن.

فى اليوم ده على اتعرف على عالم جديد مختلف عن العالم بتاعه جايز لو حد من القراء شغال الشغلانه دى يحس أنها ممله و إن فين الاثاره اللى فيها اتفق معاك لكن ده مش موجود بالنسبه ل على كذا سبب.

على دى اول شغلانه ينزلها فى حياته يعتبر هو كل معرفته ومعلوماته عن طريق الكتب و الأبحاث و الانترنت لكن ولا مره نزل باشر شغل و يقبض مرتب اخر الشهر ولو اتأخر خمس دقائق فيها خصومات وشغلانه كبيره اوى سعادتك😂.

الهام التانى على هيبدأ يتعرف على الجنس الآخر بشكل أدق و بتفاصيل اكبر ده غير أن أول تجربه ليه هتكون فى الشغل مع واحده من مديرينه فى الشركه.

وصل على الشركة الساعة ٧ إلا عشره دخل على مكتب ال HR استلم منهم العهدة و اللى هى اليونيفورم المخصص للشغل بنطلون و بيادة من بتوع الجيش دول من الاخر كده خد اللى يلزمه و نزل لغرفة تغيير الملابس هما كانوا غرفتين واحده الرجاله و واحده للستات كل واحده فيهم فى نهاية الطرقه بالنسبه للتانيه.

نزل على غير هدومه و طلع يشوف المشرف بتاعه علشان يعرف المفروض هيمسك فين وده لإن شركته هى تابعه لمركز تجارى كبير ف المنطقه اللى المفروض الشركه تأمنها كبيره.

وصل على المكان الموجود فيه المشرف على وردية الليل كان اسمه شريف و الكل بيقوله يا استاذ شريف بدأ الاستاذ يوزع

شريف: شوفوا يا رجاله احنا النهارده و لأول مره يبقى عددنا كامل فى الورديه احنا دلوقتي ٢٣ فرد هيتوزعوا كالتالي فضل شريف يوزع فى الناس ده عند البوابه ده فى مدخل الشركه إلخ إلخ وصل فى الاخر أنه نادى على ٢٢ فرد و الكل راح مكانه و كان مش فاضل غير على اللى الاستاذ قاله إن مكانه هيبقى الدور الثاني فى الملحق الخاص بالشركه.

شريف: شوف يا على انا تعمدت احطك فى المكان ده النهارده علشان هادى و انت على حد علمى اول مره شغل ف حبيتك تكون مرتاح علشان تؤدى بشكل كويس علشان فى الاول كده بتكون تحت التقييم و اللى تقييمه بيقل عن حد معين بيمشى و أنا عايز ناس تشتغل ف محتاجك معايا.

على: متقلقش هرفع راسك يا استاذ مش عايزك تكون قلقان خالص.