المتمرد | السلسلة الأولي الجزء الثانى عشر

المتمرد | السلسلة الأولي  الجزء الثانى عشر

سيد: زى ما شرحت ليك كده يا استاذ الولد من بكره هيكون عندك فى القسم هو مجتهد و هيعجبك أوى غير أنه جايب امتياز ٣ سنين ورى بعض فى رقم محدش قدر يعمله فى الكليه خصوصاً إن نظام الامتحانات مقالى مش بابل شيت انت فاهم أكيد.

المتمرد | السلسلة الأولي  الجزء الثانى عشر

الشخص: ولا يكون عندك فكره يا سيد بيه اعتبر الولد ده تحت امانتى مش عاوز حضرتك تشيل هم خالص للموضوع ده.

سيد: يعنى اتطمن ؟ خلى بالك لو جاتلى شكوى فى الموضوع ده بالذات مش هرحم اللى وراه اظن كلامى مفهوم.

الشخص: مفهوم يا باشا بعد إذن حضرتك.

انصرف الشخص و بداخله ممتلئ بالتساؤلات ترى من هذا الشخص الذى يوصى عليه مالك الشركه بشكل خاص ف حتى محمود حفيده الأكبر لم يوصى عليه بهذه الطريقة و ظلت الاسئله تحاوره أكثر و أكثر إلى أن وصل لمكتبه.

فى الوقت اللى وصل فيه رئيس القسم القانوني لمكتبه كانت وص

ملك: صباح الخير يا جدو عامل ايه ؟

سيد: ايه ده جيتى امتى يا حبيبة جدو ، بعدين مال تحت عينك منفخ ليه كده انتى حد زعلك ولا ايه ؟

ملك: مليش يا جدو انا بس منمتش كويس امبارح.

سيد: على جدو حبيبك يا ملوكه ده أنا أقدر اعرفك من نظره قوليلى مالك أو اقولك تعالى معايا المكتب تشربي معايا حاجه ساقعه و قوليلي.

راحت ملك مع جدها وهي عارفه انه مش هيسيبها غير لما يعرف لأن جدها مش بس على خبرة بالناس لكن هو نفسه قريب منها و دائما بيحب يشوفها مبسوطه على غير عادته مع الباقى مش ب يتدخل فى حياتهم لكن هى لأ هى هو حابب دائما يحل لها مشاكلها.

وصل سيد النويري مكتبه المخصص ليه ف هو كان حريص يكون له مكتبه الخاص دخل وطلب عصير مانجا ليه و ل ملك.

سيد:احكيلى الاول بقه كنتى جايه تشوفى جدو ليه؟ عارفك أنا لما بتجيلى الشركه لازم تبقى حاجه مهمه.

ملك بخجل: بصراحه يا جدو أنا كنت جايه عشان احم علشان فيه شخص عايز يقابل حضرتك.

سيد: أيوه بقه يا حبيبة قلب جدو كبرتى و بقيتى تتكسفى تقولى أن ليكى معجبين ، ده أمه دعياله و داعيه عليه اللى هياخدك😂.

ملك:ليه بس بتقول كده يا جدو هو أنا وحشه ؟

سيد:فشر يا حبيبة جدو ده أمه دعياله علشان انتى رضيتى ترتبطى بيه أصلا و أمه داعيه عليه علشان هختبره لغاية اما اجيب اخره ، حبيبتى لازم تاخد حد على الفرازه.

ملك: انت ناوى تعذبه ولا اى 😅.

سيد: ملكيش دعوه انتى بقى ، شوفتى خطاب النجاري فى فيلم عريس من جهه امنيه أهو ده مثلى الأعلى 😂.

ملك: لا انت كده هتطفشه و هقعد اعنس جنبك أنا 😂.

سيد: مش هو اللى عاوز يتجوز حبيبة قلبى يستحمل بقه 😂.

ملك: لا مهو انا مش جايباه عشان يطفش من غير ما يتقدم رسمى 😅.

سيد:يعنى انتى اللى جايباه مش هو اللى عاوز يجى بقه.

ملك: لا انت فهمت ايه 😅 ، أنا قصدى أن سمحت ليه يجى ما كان ممكن من الاول اقول لأ.

سيد: متقلقيش يا حبيبة جدو أنا عارف قصدك بس بنكشك ، هشوفه و ندردش سوى عشان أفهمه اكتر قبل ما يجى ياخد خطوة رسمية ، بس قوليلي هو اسمه ايه و قابلتيه فين يا ملوكه.

ملك: هو اسمه تامر و بصراحه بصراحه كان زميلى فى الجامعه و هو أساساً اخو صاحبتي لكن ده مش معناه إن كان فيه بينا كلام بقالنا كتير يعنى أنا أصلا كنت مقفله الدنيا من موضوع الولاد ده.

سيد:جدعه يا حبيبة جدو ايوه كده لازم تخلي الشاب اللى يعجب بيكى يلف وراكى علشان يعرف انك غاليه اوى و أنه حظه حلو و أمه دعياله ساعة فجريه لو قبلناه.

ملك: هو من ناحية لف ف هو بقاله بتاع ٤ سنين بيلف و يحاول يتكلم معايا وانا مش راضيه لغاية ما فى اخر رابعه حاول عن طريق أخته و بصراحه لما قالتلى انه عاوز يتعرف عليا و بعد كده يتقدم ف قبلت و اتفقت معاه يقابلك الاول.

سيد: تمام يا حبيبة جدو هو النهارده ايه الواحد الذاكرة بتاعته بقت بعافيه 😅 العضمه كبرت شكلها.

ملك: عيب يا سيد متقولش كده ده احنا أهل 😂.

سيد: ده احنا كبرنا وبقينا نهزر أهو ، طب ورينى بقه مين هيقابل البتاع بتاعك ده 😂.

ملك: لا لا ده انت حبيبي يا ابو السيد ده كنت بضحك معاك 😂.

سيد: عالم تخاف متختشيش 😂 ، قوليله يجي يوم الأحد الجاي يلا يا ستى يومين أهو علشان متستنيش كتير علشان تعرفى رأيى أى خدمه 😉.

ملك: تسلملى يا ابو السيد☺️.

سيد: كده مفاضلش غير نعرف ايه اللى كان مخليكى متضايقه.

ملك: الموضوع كان أن شوفت على فى الشركه هنا بصراحه كنت حابه أخذ رأيه فى موضوع تامر بس هو كالعادة رفض أنه حتى يقف يتكلم معايا بقيت شبه بجرى وراه فى الشركه علشان أكلمه.

سيد: ف دى مقدرش اتكلم انا وانتي عارفين كويس إن الموضوع مع على اكبر من كونه خلاف عادى لكن مع الوقت هيرجع يتكلم أنا واثق من ده.

ملك: ياريت يا جدو انا جت عليا فتره مكنتش قادره انام و كانت نفسيتى فى الارض و لغاية دلوقتى بشيل نفسى ذنب اللى حصل.

سيد: متشيليش نفسك اكبر من طاقتها يا ملك ، انتى ملكيش دعوه انا و انتى و اختك شمس و محمود عارفين كويس إن على مقربش منها بس هو اللى كان غبى و مفهمش يتصرف ازاى.

ملك: برضه يا جدو الموضوع مضايقنى على مكنش ابن خالى بس ده احنا يعتبر اخوات ، على كان أقرب ليا من اختى نفسها دلوقتى بقينا زى الاغراب حقيقى مش قادره اتقبل الفكره دى 🥺.

سيد: كله الا اني اشوف دمعه من عينيكى يا ملوكه ، و بكره الحال يتعدل حتى مش بعيد تلاقيه اول واحد واقف جنبك لو موضوع تامر بتاعك ده مشى.

ملك: ياريت يا جدو أتمنى أنا حقيقى مبقتش قادره أصبر بس غريبه أنه كان هنا مع أنه فضل ٤ سنين مش بيعدى من قدام الشركه حتى.

سيد: جدك مش قليل يا ملوكه أنا مش بس قدرت اقنعه أن يجى الشركة لا أنا كمان اقنعته يشتغل هنا و هيبدأ من بكره كمان.

ملك: يا ابو السيد يا جامد😂❤️.

فضل سيد النويري و حفيدته ملك يتكلموا و يتسامروا فى حين إن الناحية التانية كان على فى فيلا سيد النويري علشان يغير و يلبس كاچوال و يروح مشوار الشخصيه اللى كلمته. (مريح برضه الكاچوال فى اللبس😅)

على كان متأثر باللي حصل فى المكتب او خلينا نقول بنتيجة اللى حصل فهو مكنش حابب إطلاقاً أنه يتعين فى شركة جده خصوصاً أنه هيكون فى القسم القانوني و بكده هيكون موجود مع كريمه و محمود فى قسم واحد.

مكنش يعرف ان لسه هيسمع اللي يضايقه اكتر و اكتر خلينى أقولك ليه انت مش غريب ، على قبل ما يخرج من الفيلا حب يروح يشوف جدته ريهام يسلم عليها قبل ما يخرج خصوصاً إن هو ناوى يبات عند الشخصيه اللى كلمته فى التليفون لكن لما راح هناك شاف اللى خلى قلبه يتنطط فرح مكنش يعرف إن الموضوع هيقلب بنكد.

على دخل الفيلا و بدأ ينادي على جدته ريهام و يقول

على: يا ريرى يا تيتاااا يا ريريييييى.

ردت عليه من الطرقه فوق و قالتله (وصف الفيلا فوق بس للى حابب يفهم الدور اللي فوق عباره عن أوض و سور صغير يبان اللى واقف وراه)

ريهام: تعالى يا على فوق على اوضتى عايزاك.

اتجه على لفوق و شاف اخته وامه قاعدين فى الاوضه ، على اول ماشافهم دخل جرى في حضن أمه سالى برغم لومه ليها فى نفسه الدائم إلا أنه مازال يحبها لانه شاف منها حنيه و هو صغير.

على: ياااااه يا ماما حضنك ده فيه سحر الدنيا طول عمره قادر ينسيني هموم الدنيا وحشتيني أوي أوي يا ماما.

سالى: وانت كمان يا حبيب ماما بعدين تغيب عنى ٩ شهور بحالهم.

على: و هو ب ايدى يعنى يا ماما ما انتى عارفه اللى فيها ولا هو كان ب ايدى.

ريهام: يا بني أمك عايزاك تصالح ابوك علشان تبقى قاعد معاها دائما متبقاش كل ما عايزه تشوفك تيجى هنا من ورى أبوك لكن أقول ايه انت مش قادر تبص ليها غير من ناحيتك انت و مش مقدر تعب أمك.

سالى: بالظبط كده يا حماتى قوليله ياكش يسمع الكلام و يفهم أن قلبي محروق عليه.

على: بعدين بقه فى السيره دى هو الكل جاي عليا أنا ليه ، بعدين بصى خدتينى في دوكة ازاى و نستينى اسلم على ليلى.

اتجه على ناحية ليلى أخته علشان يحضنها لكن ليلى رفضت أنها تحضنه و ردت عليه بشكل بارد.

على: مالك يا ليلى اخوكى موحشتكيش أنا ولا ايه.

ليلى: لا ابدا أكيد وحشتنى يا على ليه بتقول كده ؟

على:مش باين يا ليلى ده أنا جاى احضنك روحتى فلتى من حضنى ، مالها ليلى يا ماما ؟

سالى بربكه: هيكون مالها يعنى يا على هى بس عندها دور برد شديد شويه وخايفه تعديك مش اكتر.

على: ومالك بتقوليها كده ليه اكنك بتقولى سر حربى ، انتوا مخبيين عليا حاجه ؟

ريهام : يعنى هيخبوا عليك ايه يا على ؟

على: شوفى انتى بقه بس أنا متأكد إن فيه حاجة خافيينها دى اول مرة ليلى مترضاش تحضنى.

ليلى: أنا قائمة يا ماما رايحه أشوف منى.

على: استنى هنا أنا مش بتكلم معاكى.

ليلى: و زى ما انت شايف أنا مش مهتمه اتكلم معاك أو حتى اسمع كلامك.

على: وده ليه بقه هو أنا جيت جنبك أو أذيتك فى حاجه ؟

ليلى: بعد كل ده و جاى تسأل انت أذتنى ولا لأ هقول ايه ما انت زى ما بابا بيقول جبله و عمرك ما هتحس غير بنفسك علشان أنانى و مش بتمشى غير ورى شهواتك و نزواتك.

على: أنا ؟ أنا أناني و شهوانى يا ليلى للدرجادى شايفانى وحش هى دى الصوره اللى انتى شايفاها عنى ولا تكونوا كلكم كده ؟

و اتجه على بنظره ناحية الاتنين التانيين أمه و جدته ريهام و محدش رد

على: ما تردوا عليا انتوا شايفين إني أنانى ؟ ملقاش رد ف راح قايل خلاص كده انا فهمت الرسالة وضحت.

على اتحرك بسرعه و مكنش شايف قدامه لدرجة إن منى لما حاولت تكلمه مسمعهاش من كتر ما هو أفكاره وخداه و هو متعصب ، جرى على يدخل الملحق علشان يلم حاجته و يخرج من الملحق لكن وهو شغال بيلم فى حاجته دخلت عليه منى.

منى: على انت بتعمل ايه ؟ و ايه الشنطه دى بتلم حاجتك ليه؟ ايه اللى جرى بس فهمنى.

على:مش مهم يا منى مش مهم معدتش فارقه أصلا و يستحسن تبعدى عنى انا كمان بدل ما أضرك زى ما بضر اللى حواليا ومش بعيد تكونى بتبصى ليا زيهم أكيد شايفانى أناني و حتى ممكن تكونى شايفانى بمشى ورا شهواتى ونزواتي.

منى: أنا يا على ؟ ده انت أخويا اللي مولدتهوش امى يا على فيه اخت تبص لأخوها زى ما بتقول كده ؟

على:اسكتي مش طلع فيه أبعدى عنى يا منى خلينى اخرج أغور فى داهيه داهيه تاخدنى و ارتاح من الهم ده.

خروج على مخدش وقت لدرجة إن تقريباً الموضوع مخدش أكثر من ربع ساعه كانوا كافيين أن ريهام لما تروح تشوفه متلاقيش غير منى و بتبكى.

ريهام: مالك يا بت بتعيطى كده ليه و فين على بسلامته أنا سبته جاى على هنا و هو محموق.

منى: حرام عليكم يا ستى ريهام حرام عليكم هو على ده مش ابنكم ، دائماً مظلوم وسطكم كده عمرى

ما شوفته غير و هو مكسور النفس فى موضوع هو مالوش يد فيه أصلا مش كفايه عليه كده.

ريهام: و احنا عملنا ايه يابت ؟

منى: كل ده و لسه مش حاسه يا ستى !! ده ناقص تتهموه إن هو اللى بيمول الصهاينة ضد اخواتنا فى غزه فك القادر أسر أسراهم و اطعم جوعاهم و سقى عطشاهم أمنى ورايا يا ستى

ريهام: فين ده يابت؟ ، على هو اللى خايب و حساس زياده انا واثقه انه معملش حاجه لكن برضه هو انانى مش عاوز يجى على نفسه شويه ويمشى الدنيا علشان أمه و أخته الغلبانه.

منى: اللى هما شايفينه أكيد زيك كده يا ستى شايفينه انانى و بتاع مصلحته و مش بعيد زى ما هو قال تكونوا شايفينه انسان شهوانى قذر بيجرى وراء شهواته ونزواته ، لما اللي المفروض بيحارب علشانهم و علشان يعرفوا أنه برئ من تهمة زى اللى اتهموه بيها شايفينه كده يبقى يحارب و يجى على نفسه ليه اصلا.

ريهام: إيه الكلام الكبير اللى انتى بتقوليه ده يابت ؟

منى:ده مش كلام يا ستى ده واقع وللأسف عمركم ما هتحسوا بيه ، عن أذنك يا ستى أنا رايحه أشوف الشغل اللى ورايا فى البيت جوه.

خرجت منى من الملحق وهي قلبها يتقطع من اللى حصل مع على فهي فعلاً تعتبره اخوها فأمها دائما كانت تحاول تقريب بنتها من على عشان مخلفتش ولد و جوزها مات ف كانت من خوفها على بنتها بعد ما تموت بتقربها من على خصوصاً أنها فعلا بتحب على وتعتبره ابنها اللى مخلفتوش.

أثناء ما كانت منى و ريهام بيتكلموا كان على واخد فى سكته و رايح على بيته الثاني اللى قضى فيه ٤ سنين ، على كان متعصب ومش شايف قدامه لدرجة إن وهو ماشى رايح يركب علشان يوصل لشقته كان هيتخبط اكتر من مره.

أثناء ما كان على راكب رن تليفونه اكتر من مره لكنه مرضيش يرد لكن مع زن الشخصية اللي كانت بترن رد على عليها علشان يخلص من الزن.

على: خير مالك شغاله زن زن زن فيه ايه ؟

الشخصية: مالك بس مش كنا متفقين هترن عليا علشان اظبط الدنيا علشان جاى.

على بنرفزه: على حد معلوماتى انا قلت انى لسه هشوف مش فاكر أنى قلت ابداً إنى جاى عندك النهارده بشكل أكيد ولا هو تلقيح جتت وخلاص.

الشخصية: مالك يا على انت مين ضايقك ؟ دى لا هى طريقتك ولا هو أسلوبك فى الكلام.