المتمرد | السلسلة الأولي الجزء السادس عشر
 |
| المتمرد | السلسلة الأولي الجزء السادس عشر |
خلصت المحاضرة و اتجه على و الزميل ناحية المكان المطلوب أييييه ماشيين عادي بيهزروا و الدنيا تمام لغاية ما عدو قدام كافيتريا كلية تجاره اللى إسمها ….. الصديق اللى كان مع على شاف حد معرفه وقف معاه يسلموا على بعض و على بدأ يبص حواليه و لمحها شافها قاعده و ايديها شابكه فى يده عينها في عينه حس بالألم بالوجع ممكن تفتكر إن على هيدمع بقه و شغل الافلام الرومانسيه ده لكن اللى حصل عكس كده تماماً.
المتمرد | السلسلة الأولي الجزء السادس عشر
على اتجه بكل هدوء ناحية الترابيزة الموجود عليها كريمه و شروق و شخص ميعرفوش و محمود ابن عمه راح على و بدأ كلامه ب
على: حوده عامل ايه يا معلم عاش من شافك.
محمود مستغرب: ازيك يا على انا بخير انت ايه الدنيا ؟
على: أنا تمام و زى الفل مش تعرفنا بالناس اللى قاعده ياعم ولا اى ؟
محمود: أقدم لك يا سيدى رامى صاحبى و شروق و كريمه صحبتي المقربه.
مع نهاية جملته بص على لكريمه و شروق بنظرة قالت كتير بصة قوه مش ضعف بصه بتقولها مش هتقف عليكي أنا أكبر منك انتى و اللى جنبك بالرغم من انك نفذتى اللى فى دماغك و اللى حسيت بالفعل انك هتعمليه بس انا هوريكى أنى مش هتأثر باللى عملتيه.
على:اوباااا ايوه بقه يا حوده يا جامد بس بصراحه عرفت تختار حتى هى فيها شبه منك واضح أوى انكم لايقين لبعض جامد عرفت تختار كالعاده اللى تتماشى معاك.
محمود: اومال انت فاكر ايه يا غالى.
على: عارف يا حوده عارف ما انت ابن عمى و عايشين مع بعض بقالنا ٢١ سنه بقولك ايه معلش هسيبك أنا دلوقتي علشان الحق ارجع ل محاضراتي أصل مش بحب افوت محاضرات.
اتجه على لزميله علشان يكملوا مشوارهم لكن و هما رايحين على كانت دماغه مشغوله باللى شافه هو أه كان متوقع اللى حصل بس الموضوع برضه مش هين على كان وقع فى حبها بشكل أو بأخر أينعم مش عشق يعنى بس فيه حب جواه ناحيتها
دماغه ودته اليوم اللى كانوا قاعدين فيه فى الكافيتريا و هي بتسأله ناوى تنزل تتمرن السنادى ولا لأ
كريمة:ناوى على ايه الصيف ده يا على
على:هنزل اتدرب فى مكتب موجود في منطقة….. لو حابه ممكن اكلم الاستاذ المحامى تنزلى معانا انتى كمان و انتى يا شروق لو حابه برضه ممكن اكلمهولك.
كريمة:يابنى انت مش عندكم شركه كبيره ما تنزل في القسم القانوني عندكم محامين الشركات شغلهم مريح اكتر بكتير.
على:لا مش حابب أنا انزل فى الشركه عندنا بعدين ما انا حاكيلكم انتوا الاتنين أن فيه مشاكل بيني و بين عيلتى.
شروق:هى متقصدش حاجه يا على هى عامله على راحتك و راحتنا احنا كمان.
على:أنا عن نفسي مرتاح كده حابين انتوا تروحوا الشركه معروف مكانها وبتنزل فورم كل سنه علشان التدريب أملوه و تتقبلوا فيها بإذن الواحد.
مكنش يعرف على أن دى هى اللى هتبينله اللى فيها لإن بعد كلام و مناقشات بين كريمه و شروق لوحدهم كريمه قدرت تقنع شروق كالعاده أنها تقدم معاها فى ال Form و علشان يضمنوا أنهم يتقبلوا قررت كريمه تلعب نفس اللعبه بس على محمود ابن عم على بس على اوسع خططت أنها تتجوزه و ترتاح و تتمتع فى الغنى اللى كانت فيه قبل ما امبراطورية شركات السيوفى تقع.
على لاحظ تغيرها معاه بعد فتره من مقابلتهم و اتأكد لما شافها مع محمود يومها بس الشك اللى كان عنده غير جو حريم السلطان اللى فى البيت عنده خفف الدنيا شويه عليه.
رجع على يحضر محاضراته بعد ما خلص مشواره مع زميله و خلص اليوم وعدى اسبوع كمان على انشغل فيه جامد بين شغله و بيته و الجامعه و ريم اللى اعتبرت على عشيق سرى ليها بتروحله يريحها كل ما تكون تعبانه فى الوقت ده على كان شبه نسى مشاكل العيله خصوصاً مع الضغط الموجود أثناء وقت الامتحانات لغاية ما جه قدامه اللى خلى انتباهه يلتفت ناحية عائلته خصوصاً الشركه.
الموضوع بدأ فى نهاية الأسبوع تحديداً من الشغل عند على لما كان قاعد مع محمد زميله فى الورديه قبل ما ورديتهم تبدأ محمد كان شخص في العادى عمرك ما تلاقيه زعلان على عكس اللى كان موجود عليه فى الليله دى و ده خلى على يفتح معاه كلام و يبدأ يشوف ماله.
على:مالك يا محمد ايه اللى مضايقك جامد كده النهارده ؟
محمد: أسكت يا على انا قريب هيتخرب بيتى شكلى.
على:ليه بس يا محمد ايه اللى حصل ؟
محمد: شركة النصابين و شيوخ المنصر شركة النويري للانشاء و التعمير.(مكنش يعرف ان على من العيله لإن على مخبى ده على الناس فى الشغل)
على:مالها الشركه دى يا محمد؟ على حد علمى الشركه دى شركه كبيره و ليها إسمها ف ليه ينصبوا.
محمد: ما انت غلبان زيى أنا كنت مفكر زيك كده فى الأول لكن اتضح يا على أن هما دول اللى بالعينها فى كرشهم.
على:طيب فهمنى بس ايه اللى حصل ؟
محمد:أنا و مراتى من سنه اتخانقنا خناقه كبيره لدرجة أنه غضبت و راحت عند اهلها الموضوع كان بسبب إن أحنا ساكنين فى بيت عيله و هى مراتى وليه مش بتريح مع حد أصلا.
على:معلش يسطا كل المتجوزين دلوقتى مش مستريحين اديك شايف الحال فى البلد كلها بس ايه دخل شركة النويري فى الموضوع.
محمد: ما انا جايلك فى الكلام يا على ، ولاد الحلال أتدخلوا وحلوا المشكله اللى بينا و اتفقنا ان انا هاخد لها شقه بره و هى للأسف كانت منشفه دماغها و حبت تاخد فى شقه من الشقق اللى موجوده فى المساكن اللى بنيتها الشركه دى أنا مكنتش متطمن للموضوع من الاول الجماعه دول عمرهم ما يعملوا حاجه تلائم اللى دخلهم زى حالاتنا أبداً وبالرغم من كده روحت زى الحمار اشتريت شقه بالتقسيط علشان امشى الدنيا عارف ايه اللى حصل بعد كده ؟ البيت اللى ساكنين فيه وقع يا على اللى لسه مبنى مكملش سنه و شويه وقع و أنا لسه عليا أقساط متلتله و مراتى البومة رجعت تانى عند اهلها و مش راضيه ترجع بيت اهلى البومه رافعه عليا قضية طلاق للضرر و هى سبب خراب بيتى بقيت مديون و مراتى سايبانى و واخده العيال و اخواتي يلوموني أنى اتجوزتها من الاول لما بقيت مضغوط من كل حته.
على:طب مرفعتش دعوى تعويض ليه على الشركه يا محمد؟
محمد: مين قال أنى مرفعتش رفعت بس أخدت ايه ملاليم يا على ملاليم و لسه برضه مديون و بحاول أسد فى اللى عليا ليا حد معرفه فى الشركه بيقولى أن المسؤول عن المشروع ده غشنا كلنا وعمل مبانى غير مطابقة للمواصفات علشان جايله من وراها مصلحه.
على مصدوم: مش عارف أقولك ايه يا صاحبي حقيقى مش عارف اقولك ايه بس شده وتزول ده اكيد ابتلاء و هتفرج قريب و اهو اديك خلصت من البومه اللى في البيت لمدة أهو هى كده كده القاضى مش هيحكملها أصلا ده انت اللى متضرر منها أصلا😂.
محمد: على رأيك ده أنا المفروض اقف قدام القاضى و أطلب منها هى تعويض مش الشركة 😅.
على: أيوه ياعم كده روق بكره تتدبر و تتحل من عنده متقلقش.
على كان بيحاول يطمن محمد على قد ما يقدر لكن هو من جواه مكنش متطمن فهو شخصياً بيحب جده عادى ومش متقبل فكرة إن الشركه تنهار بسبب خطأ من شخص مختلس أو شخص بيدور يعمل مصلحه من وراء الشركه.
فضل طول دماغه عماله تودى و تجيب ياترى مين اللى عمل كده و هل يا ترى يقول ل جده علطول ولا يتقل جايز تظهر قدامه فكره افضل ، الليله دى هياخد قراره بدرى بدرى هيخاف يكرر غلطته مرتين و يقرر أنه يستنى يفهم الاول و يعرف تفاصيل.
على فضل فى الأسبوع الأخير دماغه عماله تودى و تجيب مش عارف يقدر يتصرف ازاى علشان ينقذ شركة جده و الحل جاله من عند شروق.
على فى اخر يوم من الأسبوع الأخير بعد محاضرة القانون المدني لقى شروق واقفه مستنياه عند كافيتريا الكليه
على بتهكم:سابتك وراحت شافت مصلحتها ولا ايه ؟
شروق: بصراحه لأ أنا أنا جايالك و أنا مكسوفه من نفسى أوى و جايه أقولك إنى أسفه انت متستحقش منى ده حقيقي انا حاسه بالكسوف من نفسى أوى.
على بتهكم:لا و انتى وش كسوف واضح عليكى.
شروق:يا على افهمنى أنا اتربيت فى ظروف صعبه زى ما انت عارف و للاسف عندى حب للشهره و الظهور لإن عمرى ما حسيت انى متشافه و للاسف لقيت ده فى كريمه، طول عمرها الأفضل و الاشهر سواءاً فى المدرسه او حتى فى الجامعه.
على:طب ولما انتى عندك حب للشهره ايه اللى جابك ليا دلوقتى تكونيش فاكرانى مهووس شهره و بحب مصلحة نفسى بس زيك انتى و كريمه.
شروق: لأ انت احسن من كده يكفى أن عمرى ما شفت منك حاجه وحشه يا على و علشان كده حسيت بالذنب أصلا و جيت أكلمك و أنا رقبتى قد السمسمه و عايزاك تسامحنى ده غير يعنى إن كريمه كمان طول عمرها بتشوف نفسها عليا و بتخلينى أبان قليله قدام الناس.
على بتفكير:أمممممم بصى أنا ممكن أسامحك و مش بس كده لأ ده أنا هساعدك يكون معاكى فلوس ملهاش اول من آخر ده غير أن هجيبلك حل لموضوع كريمه ده كمان.
شروق: و ده ازاى يعنى ؟
طيب تعالى نتمشى و نتكلم و أخدها على و اتحركوا فى الجمعه لغاية ما وصلوا عند كلية …. ده لإن هناك الرجل بتبقى خفيفه.
على: شوفى يا شروق أنا عرفت أن الشركه بتاعة جدى فيها واحد تصرفاته للاسف بتبوظ سمعة الشركة و بيتلاعب فى مشاريع الشركه اللى تحت ايده.
شروق: طيب و أنا دخلى ايه بالموضوع ده ؟
على:افهمى يا حماره دلوقتى أنا كنت عمال افكر ازاى اقدر اعرف الشخص ده علشان اقدر امسك عليه حاجه و افضحه بيها بس المشكله ان مكنتش لاقى لكن لما انتى تبقى هناك ممكن تساعدي
نى.
شروق:طيب و موضوع الفلوس ده هنعمله ازاى ؟
على:بصى يا شروق الحل فى الموضوع ده الجواز.
شروق:جواز ازاى يعنى ؟
على: دلوقتى كريمه أكيد بتتنطط عليكى ب اسم عيلتها ده غير إنها كمان ارتبطت بمحمود ابن عمى و هو كبير احفاد عيلتنا وبكده يكون في أيدها سلطه كبيره فى عيلتنا مظبوط ؟
شروق: مظبوط بس غريبه عرفت أزاى ؟
على: ما هى دى طريقتها يا شروق هى كول عمرها طماعه و أنانيه حتى مع أقرب أصحابها المهم احنا بقه هنجوزك من اللى ليه سلطه اكبر من على نفسه.
شروق:مين يعنى؟
على: أبوه 😉.
شروق:بتهزر!!! هتجوز أبو صاحبى ؟
على:وماله ولعلمك بقه عمى محمد بصباص و مش هياخد فى ايدك حاجه اصلا 😂.
شروق:أممممم هو حلو بس خطر.
على:وهو انتى فاكره انك رايحه تتفسحى بعدين فين الخطوره انتى هتروحى عادى زيك زى اى حد رايح يتمرن عمى كده كده هيقابلك علشان يعمل معاكى الانترفيو ، اللى عليكى بقه انك تعلمى معاه من اول مقابله علشان لما تتقبلى و توصلى ليه يتواصل معاكى بسهوله بس خلى بالك اتعاملى عادى خالص عمى بصباص أه لكن مش مغفل.
فضل على يحاول يقنع فى شروق و حب يطمنها ف قالها تقدم ل ولاء أختها معاها فى الشركه أنها تبقى سكرتيره و أنه هيكلم جده يزق الدنيا ليها علشان بس يطمنها اكتر و اكتر فتوافق وبالفعل الموضوع تم و شروق قدرت تلف على محمد سيد النويري و تتجوزه عند مأذون عادى و اهلها يعرفوا لكن هو فضل إن أهله ميعرفوش
أصبح على ليه جاسوس جوا الشركه بينقله الاخبار اللى هو عاوزها اول ب أول و أستمر الموضوع ده شغال لغاية أجازة نص السنه فى سنه رابعه ، جابت شروق لعلى خبر و هى بتكلمه فون الخبر جاب لعلى صدمه و هيخليه يتجبر يعلن جوازة شروق لجده سيد.
شروق: مصيبه يا على مصيبه.
على: فيه ايه يا شروق ؟ ايه اللى جرى ؟
شروق: عرفتلك مين اللى ورى البلاوى المتلتله اللى بتحصل فى الشركه أنا مستغربه ازاى يعمل كده ؟
على: معقوله اللى فى بالى تقصدى عمى محمد يا شروق ؟
شروق: للاسف أه طلع هو بس المصيبه مش هنا المصيبه أن فيه مشروع كبير تبع عميل اجنبى كبير و ليه اسمه الشركه ناويه تدخل فيه المشكله إنى سمعت كلام أن الموضوع هيكون فيه لعب فى أساسات المشروع عمك قبض من شركه تانيه علشان يضيع المشروع علينا ، المشروع ده كبير و انت عارف المشروعات الكبيرة اللى بياخدها بتفرق معاه من الناحيه التسويقيه اسم الشركه هيعلى بدل ما بقى كل الفكره اللى منتشره فى السوق عنها سئ بالشكل ده.
على: أممممم هو الموضوع ده امتى يا شروق ؟
شروق: على حد معلوماتى المناقصه دى المفروض هتبقى قريبه مش بعيدة المده.
على:كده مفيش قدامنا غير الحل ده جه الوقت أن جدى يعرف بوجودك يا شروق.
شروق: ده اللى هو ازاى يعنى ؟ انت كده هتحط ضغط عليا أنا يا على !!! و عمك هيفضل مكانه عادى.
على:الكلام ده لو اتعرف بوجودك عادى كده إنما احنا هنخلى جدى يعرف بوجودك بأسوء طريقه ممكنه ؟
شروق:دى اللى هى ازاى يعنى ؟
على:هنخليه يشوفك و انتى تحت عمى محمد فى الشركه.
شروق:نعم!!!! احنا متفقناش على كده يا على.
على: اتفقنا انك تساعدينى أنقذ الشركه يا شروق و دى الطريقه اللى هقدر أنقذ بيها سمعة الشركة بعدين متخافيش عمى اللى هياخد الدعك كله.
شروق:وده أزاى بقه معلش ؟
على:جدى من زمان وهو عارف إن عمى محمد بصباص و بتاع حريم ف لما يشوفه اتجرأ و جاب واحده منهم الشركه ف هيشيط جدى الشركه دى مهمه عنده أوى علشان كده انا متمسك أنها متقعش ولفينا اللفه دى كلها أصلا.
شروق: طب أفرض مثلا يعنى أن جدك طلب لينا البوليس ساعتها هروح فى داهيه لإن دى كده فعل فاضح إن مقدرش جدك بعلاقاته يخليها اكبر من كده.
على: ومين قالك أنه مش هيطلب البوليس أساساً احنا خطتنا تبقى نجحت لو قدرنا نخلى جدى يطلب البوليس.
شروق: وعايزنى اعمل اللى بتقول عليه ده لا يا خويا لحد كده و كفايه.
على:يا شروق افهمى الموضوع مش هيوصل للبوليس فى هيئة سرقه جدى عمره ما هيخاطر بسمعة الشركه ، هو ممكن يهدد أنه هيفضحك انتى وهو علشان تخافوا أوى بس أنا هكون موجود عندك بالخطه البديله هخليه يساومنى.
شروق: ازاى يا ناصح ؟
على: جدى نفسه اوى أن انزل اتدرب عنده فى الشركه بس أنا رافض الموضوع رفض قطعى بقاله تلت سنين بيكلمنى فى الموضوع و أنا برفض ف لما اروح له قريب أكيد هيفاتحنى فى الموضوع تانى.
شروق:تقوم انت موافق علطول.
على:ما كفايه غباوه يا شروق لأ طبعاً لازم هرفض و علشان يقنعنى اكتر خصوصاً إن خلاص بقينا فى رابعه هياخدنى معاه الشركه يعرفنى على الناس و الذى منه و يومها هيقفشك انتى و عمى و أنا بعد كده هتدخل أنا و ولاء اختك و نخرجك منها بالمناسبه هتكون عارفه بالموضوع برضه.
شروق:طيب أفرض بقول أفرض يعنى جدك مساومكش ؟
على:هيساومنى أنا متأكد من اللى بقولك عليه و بعد ما يساومنى و اوافق بعد رفض فى الاول طبعا هيعوز يأدب عمى بطريقه تانيه فهيقوم شايله من منصبه أو حتى يحوله للتحقيق وفى الحالتين يبقى نجحنا.
شروق:يالهوى على دماغك السم دى ياااااه لو عندى نص اللى عندك ده.
على:هتنقى عليا يا شروق ؟
شروق: بصراحه انت اللى زيك يتنق عليه عادى😅.
وبس كده يا عزيزي القارئ ده اهم اللى حصل فى ال٤سنين اللى على قضاهم بعيد نزل شغل و طور من مهاراته الاجتماعية ده غير إن بقه ليه عشيقه و اللى هى مايا غير أنه بينيك رانيا و أتفق مع شروق و اختها ولاء أنهم ينقذوا شركة جده.
"يااااااه كان يوم جميل اوى النهارده حقيقى انت فعلا بتعرف تخرجنى من المود الوحش بتاعى يا على" ده كان كلام مايا أول ما وصلت عند عربيتها بعد خروجة اليوم.
(متنساش يا عزيزي احنا كنا كل ده بنلخص أهم أحداث ٤ سنين 😉)
على: كان اليوم لذيذ جداً فعلا معاكى انا بعرف انبسط بيومى دائما.
اسهل طريقة للربح الوفير بمجرد مشاهدة اعلانات
ادخل واربح يوميا 20 دولار اضغط على الصورة
كود التسجيل
43916904
0 التعليقات:
إرسال تعليق